2024 жылдың 15 мамыры күні Сәбит Мұқанов атындағы Солтүстік Қазақстан облыстық әмбебап ғылыми кітапханасында қазақ әдебиетінің классигі, ақын, драматург, прозашы Ілияс Жансүгіровтің туғанына 130 жыл толуына арналған «Жыр құлагері» атты әдеби кеш өтті.
Кешті белгілі жазушы, Қазақстанның еңбек сіңірген журналисі, республикалық «Егемен Қазақстан» газетінің СҚО бойынша меншікті тілшісі Жақсыбай Самрат және кітапханамыздың іс-шараларын ұйымдастырушы Елена Скакунова жүргізді.
Іс-шараға М.Қозыбаев атындағы Солтүстік Қазақстан университетінің студенттері, мектеп оқушылары, «Өрлеу» БАҰО АҚФ «СҚО бойынша КДИ» курс тыңдаушылары, кітапхана оқырмандары қатысты.
Алғашқы болып баяндама жасаған ҚР Ұлттық ұлан академиясының тілдік дайындық кафедрасының оқытушысы Венера Зейнина Ілияс Жансүгіровтің өмірі мен шығармашылығына өте терең талдау жасады, келесі баяндамашы осы ҚР Ұлттық ұлан академиясының оқытушысы Жадыра Шакирбаева Ілияс Жансүгіровтің балаларға арналған өлеңдеріне, шығармашылығына ерекше тоқталды. Кітапханашы Кенжегүл Мәметова Ілияс Жансүгіровтің отбасы, шығармашылы туралы баяндады.
Талдықорған қаласында Ілияс Жансүгіров атындағы Жетісу университетінде өткен «Ілияс әлемі» атты дәстүрлі 10-шы республикалық фестивальге қатысып жүлдегерлер атанған М.Қозыбаев атындағы Солтүстік Қазақстан университетінің студенттері – Айгерім Бақыт І.Жансүгіровке Арнау өлеңін (2 орын иегері ), Гүлай Қалиханова І.Жансүгіровтің бірнеше өлеңін жатқа мәнерлеп, оқып берді (бас жүлде иегері). І.Жансүгіровтің «Райхан» пьесасынан үзіндіні бас жүлде алғандар – Гауһар Мүсілімова, Аяужан Асан, Нұрай Қалиханова, Ерлан Жұмахан өте шеберлікпен орындап беріп, шараға қатысушыларды таң қалдырды.
Шараға қатысушылар «Қазақ поэзиясының бәйтерегі» атты кітап көрмесін тамашалады.
Новости
Осы жылдың наурыз айында Атырау қаласында Ұлттық құрылтайдың үшінші жиыны өтті. Ұлттық құрылтай – бүгінгі күннің өзекті мәселелері қозғалатын, билік пен халықты байланыстыратын платформа. Мемлекет басшысы Қасым-Жомарт Тоқаев құрылтайда сөйлеген сөзінде мәдениет, тарих, руханиятқа қатысты біраз түйткілдерге тоқталды. Соның ішінде кітап оқитын ұлт қалыптастыруға ерекше назар аударды, кітапханалардың ұлттың мәдени мұрасын сақтаудағы маңыздылығын атады. Президентіміз кітапханашылардың алдағы жұмыс бағытын айқындап берді десе де болады.
Мемлекет басшысы кітап оқу мәселесін алғаш рет 2020 жылы Ұлттық сенім кеңесінің отырысында көтеріп, онда кітапханалардың өскелең ұрпақтың тәрбиесіндегі рөліне тоқталған. 2021 жыл жастар мен балалардың кітапқа деген қызығушылығын арттыру үшін балалар мен жасөспірімдердің кітап оқуын қолдау жылы болып бекітіліп, балалар әдебиетінің басылымы артты.
Осы бағытта өңір кітапханаларында да тиісті жұмыстар жүргізілуде. Балалар кішкентайынан Сәбит Мұқанов атындағы облыстық ғылыми-әмбебап кітапхананың оқырманы бола алатынын айтқысы келеді. Оларға арнап балалар әдебиетінің қоры құрылып, балалар бұрыштары ашылған.
Ұлттық құрылтайдың екінші отырысында Президент кітапханалардың қорын кеңейтіп, жас ұрпақтың кітап оқу мәдениетін қалыптастырып, смартфондардың кітаптың орнын алмастыра алмайтынын айтты. Оның сөзінше, тек оқитын ұлт қана шын мәнінде интеллектуалды елге айналады. Бүгінде облыс кітапханаларының қоры 4 миллионнан асады.
Құрылтайда Президент өткен ғасырдың аяғында жіберілген қатепікті түзету керектігін айтты: “Тәуелсіздік кезеңінде елімізде кітапхана ісі кенжелеп қалды. Тоқсаныншы жылдардағы аласапыран уақытта мыңдаған кітапхана жабылды. Миллиондаған кітап қорынан айырылдық”. Өкінішке қарай, осының салдарынан өңірде 300 кітапхана жабылып қалған. Жағдайды реттеу үшін кешенді шаралар жүргізу керек. Мәсепен, бүгінде Мағжан Жұмабаев, Мамлют аудандарында ауылдық кітапханалар жөнделуде, биыл Тайынша ауданында модельді ауылдық кітапханалар ашу жоспарда бар.
Президент атап өткендей, кітапхана – ұлттың рухани жадының сақтаушысы. Онда тарихымызға қатысты құнды материалдар жинақталған. Сондықтан да балалар мен ересектөр ғаламтордағы мәнсіз контенттің тұтынушысына айналмай, кітап оқуы керек. Біз шын мәнінде оқитын, интеллектуалды ұлт боламыз десек, бұл жолдың басында кітап тұрғанын ұмытпауымыз керек. “Кітап оқу мәдениетін қоғамда барынша орнықтыруымыз керек”, – деді Президент.
Кітап – оқырманға қолжетімді болу керек. Былтырғы ұлттық құрылтайда елде басқа елдердің үлгісімен тәулік бойы жұмыс істейтін кітапханалар салу жайы сөз болды. Алдағы уақытта Астана, Алматы қалаларында үзіліссіз жұмыс істейтін керемет ғимараттар бой көтереді. Біз бұл бастаманы қолдаймыз.
Кітапхана – ғылымның орталығы. Сондықтан да ол қолайлы, әдемі, заманауи болуы керек. Алматыда жастарға арналған заманауи кітапханалар бар. Алматыда болған біздің бірқатар әріптестеріміз олардың оң тәжірибесін жұмыс барысында пайдаланып келеді.
Сәбит Мұқанов атындағы облыстық ғылыми-әмбебап кітапхана өңірдегі 318 кітапхананың әдістемелік орталығы саналады. Кітапхана қоры 700 мың кітаптан асады. 45 мың оқырманымыздың 23 594-і – жастар. Мәдени орын адамдарға кездесулер өткізіп, пікір алмасып, өз-өзін жетілдіретін алаңға айналды. Кітапханадағы заманауи орындар, компьютерлер, ғаламтор, робототехника, виртуалды әлем, әлемдік бестселлердің бәрі келушілерге қолжетімді. Сәбит Мұқанов атындағы кітапхана “Қазақстан Республикасының үздік кітапханасы” атағын 2014 жылдан бері иеленіп келеді.
Президенттің бұл салаға көңіл бөлуі, кітапхана ісін дамыту үшін жолдаған ұсыныстары елдегі кітапханалардың жұмысын жандандырып, әлемдік стандарттармен теңесуге септеседі. Кітап оқу кең қанат жайған сайын қоғамдық құндылықтар беки түседі. Біз бұл бағыттағы жаңа идеялар мен өзгерістерді қашанда қолдаймыз.
Солтүстікқазақстандық кітапханалар ТМД елдері мен алыс шетелдегі әріптестердің тәжірибесіне сүйеніп, жаңа стандарттардың деңгейіне жетуге тырысып жатыр. Заманмен бірге өзгеріп, заманауи және сұранысқа ие болып келеміз. Бүгінде біз кітапханалар мәдени өзгерістердің бір бөлігіне айналып, оқырмандар саны артып, саладағы жұмыстар жанданған ерекше уақытта өмір сүріп жатырмыз. Бүгінде Сәбит Мұқанов атындағы облыстық ғылыми-әмбебап кітапхана өңірдегі интеллектуалдық коммуникация мен мәдени алыс-берістің орталығына айналып, түрлі бағыттағы қорларды жинақтап, әр санаттағы оқырманға қызмет көрсетіп келеді. Бұның бәрі Қызылжардың интеллектуалды әлеуетін арттырып, ғылым, мәдениет, кәсіпкерлік және басқа салалардың дамуына әсер етуде.
Кітап туралы айтқан сөзінде Мемлекет басшысы Ұлттық кітап күнін жариялау туралы ойды да қолдады: “Мен олардың Ұлттық кітап күнін белгілеу туралы ұсынысын қолдаймын. Бірақ оны мазмұнды етіп өткізу қажет. Мысалы, түрлі іс-шаралар ұйымдастырып, арнайы жәрмеңкелер өткізу қажет. Шын мәнінде, озық ойлы ұлт болудың ең төте жолы – кітап оқу”. Кітапхана – адамға жүйелі білім мен ақпарат, қарымқатынас пен даму мүмкіндігін бере алатын жалғыз әлеуметтік-мәдени мекеме. Бұның бәрі халыққа қолжетімді екенін айта кеткен жөн. Елде Ұлттық кітап күнін бекіту туралы ұсыныс осы саладағы жандардың көңілінен шыққаны анық. Бұл біз үшін жастардың кітапқа деген махаббатын оятып, оларды білім, ғылым, әдебиет, төл мәдениетіміз бен тарихымызға қызықтырудың тағы бір мүмкіндігіне айналмақ. Жастармен жұмыс істеудегі кітапханалардың басты міндеті – кітап оқу арқылы жан-жақты дамыған, білімді, әлеуметтік белсенді, ақпараттық кеңістікте бағытынан жаңылмайтын тұлға қалыптастыру. Мамандық таңдау, отбасын құру, өмір салтын ұстануда жол көрсету де осыған жатады.
Ұлттық кітап күніне орай облыс кітапханалары “Кітап – ұлт қазынасы” ғылыми конференциясын, “Мәңгіліктің үні: Қазақстанның әдеби ескерткіштері” көрмесін, кітап фестивалдарын, акциялар мен өзге де шараларды ұйымдастыра алады.
Біз жұртшылыққа кітапты насихаттау ерікті түрде әрі барлық жастағылар үшін кезең-кезеңімен жүргізілу керек деп санаймыз. 2019 жылдан бері біздің кітапханамыз “Оқырманы озық өлке – Лучший читающий регион” республикалық байқауында жеңіске жетіп, бұл атақты осы күнге дейін иеленіп келеміз. Дәстүрлі әдістерден бөлек, жастар үшін қолайлы жаңа форматта жұмыс істеу керек. Кітап оқуды интернет кеңістікте дамытудың берері мол. Қазіргі жастарды телефондар мен планшеттерсіз елестету мүмкін емес. Сондықтан жақсы туындылардың цифрлық форматта қолжетімді болуы маңызды. Осы мақсатта кітапхана “Qyzylzhar кітапханасы” мобильді қосымшасын іске қосты. Кез келген операциялық жүйеде жұмыс істейтін қосымшадан қызылжарлық ақын-жазушылардың шығармаларын жүктеуге болады. Бүгінде әлеуметтік желілерде жазылушысы көп адамның қоғамдағы беделі де жоғары. Сондықтан кітап оқуды насихаттау үшін “ҒасеЬоок”, “ВКонтакте”, “Instagram”, “Тelegram”, “Яндекс.Дзен”, “izi.ТRAVEL”, “Үоu ТuЬе” желілерінде парақшалар ашылып, онда күндепікті ақпарат таратылады, еліміздің және өңіріміздің белгілі адамдары туралы тікепей эфирлер жүргізіледі. Кітапхананың өзінде де әр күн сайын түрлі тақырыптағы іс-шаралар үзбей ұйымдастырылып тұрады.
Сәбит Мұқанов атындағы облыстық ғылыми-әмбебап кітапхана ұжымы әлемдік үздік кітапханалардың деңгейіне жетіп, заманмен бірге адымдау үшін жұмыс істеп жатыр. Кітапхана ісі алға басқан қоғамда бейбітшілік орнап, адами құндылықтар жоғары сатыға көтеріліп, әлеуметтік мәселер де оң шешіледі.
Бейбітгүл ӘБІЛМӘЖІНОВА,
Сәбит Мұқанов атындағы
облыстық ғылыми-әмбебап
кітапхананың директоры,
Қазақстанның еңбек сіңірген қайраткері.
Әбілмәжінова Б. Ұлт жадының сақтаушысы // Солтүстік Қазақстан.-2024.-18сәуір.-9 б.
Тікелей эфир. Жаңа түскен кітаптарға шолу.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #ПрямыеЭфиры #Чтение #Книги
15 желтоқсан күні облыстық кітапханада Озерное орта мектебінің тарих пәні мұғалімі Сұрағанова Балжан Жеңісқызының қатысуымен өткен тікелей эфир 1986 жылғы Желтоқсан оқиғасына арналды. Эфирде Тәуелсіздігіміздің бастауы болған Желтоқсан оқиғасының тарихы, алаңға шыққан қазақтың өрімдей қыз-жігіттерінің ел мүддесі үшін қойған талабы, тартқан азабы баяндалды.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #ПрямыеЭфиры #Чтение #Книги
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #ПрямыеЭфиры #Чтение #Книги
2022 жылдың 14 желтоқсаны Сәбит Мұқанов атындағы Солтүстік Қазақстан облыстық әмбебап ғылыми кітапханасының баспасөз орталығында «Жыр арқауы – Тәуелсіздік» атты әдеби-музыкалық кеш өтті.
Әдеби кешке «Сенімен болашақ» республикалық ата-аналар қоғамдық бірлестігінің СҚО бойынша филиалының төрағасы Жанат Мұхамеджанов; ақын, Қазақстан Журналистер одағының мүшесі Оспанова Марал Зейнел-Ғабиқызы; ақын, Халықаралық «Шабыт» фестивалінің дипломанты, Халықаралық, республикалық жыр-мүшәйралардың жүлдегері Аманжол Зағыпар қатысып, тәуелсіздікке қатысты ой-пікірлерімен бөлісіп, өлеңдерін оқыды.
С.Шаймерденов атындағы қалалық классикалық гимназияның оқушылары тәуелсіздік туралы өлеңдер оқыды. «Ермек Серкебаев атындағы «Өнер колледжі – өнердегі дарынды балаларға мамандандырылған мектеп-интернат» кешенінің студенті Тайжан Нұрсұлтан тыңдаушылардың құлақ құрышын қандыра қазақтың күйлерін орындады. Тыңдаушылардың арасынан өнерлі жастар да өз лебіздерін білдіріп, жыр жолдарын оқыды.
Шараға қатысушылар «Тәуелсіз Қазақстан – бейбітшілік пен келісімнің мекені» атты кітап көрмесімен танысты.
Әдеби-музыкалық кешке ҚР Ұлттық ұлан академиясының курсанттары, СҚО бойынша Қылмыстық-атқару жүйесі департаментінің қызметкерлері, М.Жұмабаев атындағы жоғары колледждің және СҚ кәсіптік-педагогикалық колледжінің студенттері, Қожаберген жырау атындағы №6 орта мектеп оқушылары, кітапхана оқырмандары қатысты.
2022 жылдың 13 желтоқсаны күні Сәбит Мұқанов атындағы Солтүстік Қазақстан облыстық әмбебап ғылыми кітапханасында Көрнекті ғалым-этнограф, жазушы, публицист, аудармашы, өнер зерттеушісі Ақселеу Сейдімбектің туғанына 80 жыл толуына арналған «Ұлт рухының жанашыры» атты әдеби кеш өтті.
Шараға зиялы қауым өкілдері, М.Жұмабаев атындағы жоғары колледждің студенттері мен оқытушылары, Әл-Фараби атындағы мектеп-лицейдің оқушылары мен мұғалімдері, кітапхана оқырмандары және Ақселеу Сейдімбектің келіні – Сейдімбек Әлия Алтайқызы мен немерелері қатысты.
Шараны белгілі жазушы, журналист, республикалық «Егемен Қазақстан» газетінің СҚО бойынша меншікті тілшісі Жақсыбай Самрат жүргізді.
Алғашқы болып сөз сөйлеген Ақселеу Сейдімбектің жерлесі, досы, журналист- әріптесі, М.Қозыбаев атындағы Солтүстік Қазақстан университетінің профессоры, академик Зарқын Тайшыбай онымен бірге Қарағанды облыстық «Орталық Қазақстан» газетінде бірге қызмет істегенін, одан кейін де оның өмірінің соңына дейін достық, шығармашылық қарым-қатынаста болғанын айта келіп, оның ұлт жанашыры ретінде қазақ халқының тарихын, мәдениетін, өнерін, әдебиетін зерттеген ғалым екеніне тоқталды. Ақселеу Сейдімбектің өмір жолы, шығармашылығы, халқына сіңірген еңбегі жайлы да айтылды.
Әл-Фараби атындағы мектеп-лицей директорының оқу-тәрбие ісі жөніндегі орынбасары, тарих пәнінің мұғалімі Зәуреш Жиентаева және №5 орта мектептің директоры Күлімкөз Смаилова Ақселеу Сейдімбектің немересі Тарланның мектеп-гимназияда үздік оқушы болғанын, мектепті «Алтын белгіге» бітіргенін, 8-9 сыныпта оқыған кезінде тарих пәнінің мұғалімі Зәуреш Көшеғалдықызының жетекшілігімен атасы туралы ғылыми-зерттеу жұмысымен айналысып, облыста 1-ші орын, республикада 3-орын алғанын зор мақтанышпен айтты.
М.Қозыбаев атындағы Солтүстік Қазақстан университетінің «Рухани жаңғыру» әлеуметтік-гуманитарлық зерттеулер институтының ғылыми қызметкері Гүлнәр Ахметжанова Ақселеу Сейдімбектің ел ішіне кең тараған «Сарыарқа», «Дәурен-ай», «Алтын асық», «Гагигай» тағы басқа әндері бар екеніне тоқталды. Оның «Арман-ай» әнін домбырамен орындап беріп, тыңдаушылардың қошеметіне бөленді.
Кешіміздің құрметті қонағы, Ақселеу Сейдімбектің келіні Әлия Алтайқызы атасының адамгершілік қасиеттеріне жан-жақты тоқталды, өте тебіреніспен еске алды.
Кешке қатысушылар «Даланың дарқан дарыны» атты кітап көрмесін тамашалады.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Информация #Мероприятия #Книги #Чтение
2022 жылдың 2 желтоқсаны күні Сәбит Мұқанов атындағы Солтүстік Қазақстан облыстық әмбебап ғылыми кітапханасында желтоқсан қаhарманы Ермұханбет Қуандықтың “1 жыл 11 ай 3 күн” кітабының тұсаукесері өтті. Бұл – кітап авторының бас бостандығынан айырылып, қапаста отырған мерзімі…
Іс-шараға кітап авторы және ақын-жазушылар, облыстық ардагерлер кеңесінің мүшелері, оқытушылар, студенттер, кітапхана оқырмандары қатысты.
Шараны белгілі жазушы, журналист, республикалық «Егемен Қазақстан» газетінің СҚО бойынша меншікті тілшісі Жақсыбай Самрат жүргізді.
Кітаптың авторы – Ермұханбет Қуандық 1986-ның Желтоқсанында студенттер арасына қозғау салып, алаңға шығуды алғаш ұйымдастырушының бірі. Ол қарапайым азаматтық құқығын талап еткені үшін отаршыл-озбыр жүйе тарапынан қатал қуғынға ұшырап, оқудан шығарылып, тергеуге түсті. Бес жыл бас бостандығынан айыру туралы сот үкімі кесіліп, қапасқа қамалды..Уақыт қысымымен, мерзімінен бұрын ақталып, 1 жыл 11 ай 3 күн түрмеде отырып шыққан соң да, еңсесін түсірместен өз ортасына оралды. Қайтпастан қуына жүріп, ҚазМУ-дың тарих факультетіне қайта қабылданды. Оқуын аяқтап, дипломын қолына алды. Заман талабына қарай еңбектенді.
Ермұханбет Қуандық өмірбаяндық деректі “1 жыл 11 ай 3 күн” атты кітабында көп құпиясы әлі күнге толық ашылмай, жұмбақ жатқан Желтоқсан көтерілісінің өзі көзімен көріп, куәсі болған оқиғаларын боямасыз, қоспасыз нақты дерек-дәйектер арқылы жүйелі, тартымды баяндайды. Бұл кітапта Ермұханбеттің өмірін өзгерткен Желтоқсан тарихы, өзі мен “майдандас” достары басынан кешкен тәлейлі тағдыры тартымды да шынайы жазылған.
Кітап авторы – Ермұханбет Қуандық кітаптың жазылу тарихы, мазмұны туралы айта келіп, кітаптың кейіпкері – біздің жерлесіміз, Желтоқсан көтерілісіне қатысушы Бағдат Мұқановамен ҚазМУ-дің тарих факультетінде бірге оқығанын, сотқа шақырылған жиырмадан астам студент-куәгерлердің ішінде өзін жақтап, батыл қорғап сөйлеген бірден-бір куәгері ол болғанын баса айтты, мұқабадағы ақ-көк-қызыл бояулардың мағынасына тоқталды, ақ түс – қар, көк түс – мұз, ал қызыл түс – жазықсыз төгілген қан,- деді. Қойылған сұрақтарға жауап берді.
Келесі сөз сөйлеген жерлесіміз, Желтоқсан көтерілісіне қатысушы, облыстық ішкі саясат басқармасының бас маманы Бағдат Мұқанова Желтоқсан көтерілісінің өзі көзімен көрген оқиғаларын тізіп айтып берді.
Желтоқсаншылар – әскери журналист Боташ Қажымов, Аққайың ауданы Ішкі саясат, мәдениет, тілдерді дамыту бөлімінің қызметкері Қайрат Бабанов, зейнеткер Айдарбек Бегенов сөз сөйледі.
Жастар атынан сөз сөйлеген М.Қозыбаев атындағы СҚУ-дің «Foundation» факультетінің студенті Бақытгүл Аманжол «1 жыл 11 ай 3 күн» кітабы туралы өз пікір-ойларымен бөлісті. Бұл кітаптың жастарға патриоттық тәрбие беруде, елін, жерін сүюге тәрбиелеуде маңызы зор, қазақ елінің болашағы жастарда, шетелден келсем де өз үлесімді қосамын,- деді.
Қатысушылар «Желтоқсан – жан жарасы» атты кітап көрмесін тамашалады.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Информация #Мероприятия #Книги #Чтение
Бектұрғанов Хасан Шаяхметұлы (1922, Мамлют ауданы Мамлют қаласы — 1987, Тараз қаласы) — партия және қоғам қайраткері. Арғын тайпасының Қарауыл руынан шыққан. 1922 жылы Солтүстік Қазақстан облысы Мамлют ауданында дүниеге келген. Отбасындағы төрт баланың үлкені. Әкесі Сібір ауылшаруашылық академиясының түлегі, ғалым-агроном Шаяхмет Тастемірұлы Бектұрғанов 1937 жылы жаламен ұсталып, әйгілі 58-баппен репрессияға ұшырайды. 1939 жылы анасы дүние салғанда ол мектепті бітіріп жатқан болатын. Осыдан кейін ізінен ерген інілері мен қарындастарына қамқорлық жасау жүгі оның иығына артылды. Ал соғыс басталып, әскер қатарына шақырылғанда он тоғыз жаста еді. 1941 жылы Фрунзе (Бішкек) жаяу әскер училищесін бітіргеннен кейін 38-атқыштар дивизиясының құрамында взвод командирі болып, Калинин және солтүстік-батыс майдандарындағы шайқастарға қатысқан. 1942 жылы сәуір айында 8-гвардия И.В.Панфилов дивизиясында полк комсоргі болады. Мәскеу түбіндегі шайқастардың бірінде ауыр жараланып, госпитальге түседі. Шыққаннан кейін 1943 жылдың сәуір айынан 19-гвардия атқыштар дивизиясына полк комсоргі ретінде жіберіліп, соғысты аяқтайды. Соғыстан кейін Петропавл қаласына оралған соң Солтүстік Қазақстан облысы партия комитетінің нұсқаушысы, кейіннен Совет, қазіргі Аққайың ауданы партия комитетінің хатшысының орынбасары болды. Осы кезеңде Алматыдағы Жоғары партия мектебін бітіреді. 1958-1966 жылдары Көкшетау, кейіннен Ақтөбе облысы партия комитеттері хатшысының 2-орынбасары, атқару комитетінің төрағасы лауазымында қызмет атқарған. Қызылорда облысына басшылық жасаған кезеңі – 1966-1969 жылдар. Мұнан кейін Жамбыл облысы партия комитетінің 1-хатшысы қызметін 11 жыл атқарып, құрметті демалысқа шығады. Ленин (екі рет), «Октябрь Революциясы», «Еңбек Қызыл Ту» (екі рет), І және ІІ дәрежелі «Ұлы Отан соғысы», «Қызыл Жұлдыз» ордендерімен және көптеген медальдармен наградталған. Х.Бектұрғанов өте іскер, партия жұмысын жақсы білетін, жоғарыға мәселені батыл да нақты, нанымды етіп қойып, сөзін өткізе білетін басшы болды. Ол облыстық партия комитетінің бірінші хатшысы болып келгенге дейін аупарткомның бірінші хатшыларынан бір ақ кісі Қазақ ССР Жоғарғы Кеңесіне депутат болатын. Бектұрғановтың кезінде екі аудандық және қалалық партия комитетінің бірінші хатшылары депутат болып сайланды. Ол кісі орыс тілінде тәрбиеленіп, білім алса да барлық жиналыстарды тек қазақ тілінде жүргізетінімен есте қалған. Өмірдің күрделі де жауапты кезеңдерін бастан өткерген Х.Бектұрғанов – жалғыз Қазақстанда ғана емес, КСРО аумағында ізі қалған саяси тұлға. Халқымызда «Таулар алыстаған сайын биіктей береді» деген қастерлі сөз бар. Олай болса, нар жүгін көтерген, халқымыздың аяулы перзенті Хасан Шаяхметұлының парасаты мен пайымы, шуағы мен шапағатының алысқа кетері ақиқат.
В честь достойного земляка // Северный Казахстан. – 2002.- 25 января
Бектурганов Хасан Шаяхметович //Северо-Казахстанская область: энциклопедия.- 2004. – С.174
Бектұрған Хасан Шаяхметұлы /Қызылжар өңірінің зиялы қауымы. – 2010 жыл. – Б. 74
#СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
Ермұханбет Қуандықтың «1 жыл 11 ай 3 күн» кітабының тұсаукесері шақырамыз
#СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #ПрямыеЭфиры #Чтение #Книги
2022 жылдың 30 қарашасы күні Сәбит Мұқанов атындағы Солтүстік Қазақстан облыстық әмбебап ғылыми кітапханасында жерлесіміз, кинорежиссер, актер, публицист Аяған Шәжімбаевтың туғанына 70 жыл толуына арналған «Алаштың Аяғаны» атты еске алу кеші өтті.
Шараға ақын-жазушылар, журналистер, Әл-Фараби атындағы мектеп-лицейдің, Әбу Досмұхамбетов атындағы облыстық дарынды балаларға мамандандырылған гимназия-интернаттың оқушылары мен мұғалімдері, Аяған Шәжімбаевтың достары, ағасы Құдайберді Қуандықұлы, кітапхана оқырмандары қатысты.
Шараны жазушы, республикалық «Егемен Қазақстан» газетінің СҚО бойынша меншікті тілшісі Жақсыбай Самрат жүргізді.
Алғашқы болып сөз сөйлеген Аяған Шәжімбаевтың бірге оқыған сыныптас досы Есләмбек Бекмурзин оның адами болмысын әр қырынан суреттеді. Аяған халқымыздың, өнеріміздің мақтанышы, ол өте талантты болды, адал өмір сүрді, оның экрандаған дүниелері елдің тарихы, – деді.
Аяғанмен бір мектепте оқыған, ақын, Қазақстан Журналистер одағының мүшесі, денсаулық сақтау ісінің үздігі Марал Оспанова Аяған Шәжімбаевтың бала кезінен өнерге жақын болғанын, өзі 10-шы Аяған 8-ші сыныпта оқып жүргенде М.Әуезовтің 60 жылдығына «Абай» трагедиясынан екі көріністі қойылым қойып, Тәкежан ролін Аяған, өзі Ажар ролін орындағанын тілге тиек етті.
Журналист Қошан Қали Аяған Шәжімбаевтың журналистік қабілеті ерте оянғанын, мектеп бітіре салысымен, еңбек жолын облыстық «Ленин туы» газетінде бастағанын, сатираға ден қойғанын, түрлі жанрда шығарма жазғанын, киноның майталманы болғанын әңгімеледі.
Аяған Шәжімбаев атындағы әлеуметтік-мәдени танымдық «Алаш рухы» қоғамдық қорының жетекшісі, Аяған Шәжімбаевтың туған ағасы – Құдайберді Қуандықұлы талантты кинорежиссер, актер, публицист інісі Аяған Шәжімбаевтың шығармашылығына жан-жақты тоқталды. «Жансебіл» көркемсуретті фильмі екі халықаралық кинофестивальде Ашхабад – 92 «Күміс жарты Ай» жүлдесі – «Үздік режиссерлік дебюті» үшін, ал Тегеран – 93-те «Үздік ер адам рөлін сомдағаны» үшін халық әртісі Қасым Жәкібаевқа лауреат марапаты берілгені, алда талай кино түсіруді жоспарлағаны, бірақ оларды жүзеге асыруға кенеттен келген ажал бөгет болғанын өкінішпен еске алды. Шараны ұйымдастырушыларға алғысын білдірді.
Шараға қатысушылар «Өлмейтұғын артына із қалдырған» атты кітап көрмесін тамашалады.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
Биыл Мемлекеттік рәміздердің 30 жылдығына және Мемлекеттік Елтаңба авторы, көрнекті сәулетші Шот-Аман Уәлихановтың 90 жылдығына арналған республикалық конференция біздің қаламызда өткен болатын. Конференцияның соңында «Шот-Аман Уәлихановтың шығармашылық мұрасы» атты жеті томдық жинақтың тұсауы кесілді. Бүгінгі эфирде осы көптомдыққа қысқаша шолу жасалады.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #ПрямыеЭфиры #Чтение #Книги
Құрметті оқырмандар! Сіздерді еліміздің ұлттық мерекесі – Республика күнімен шын жүректен құттықтаймын! Алла Тағала елімізге амандық.
Уважаемые читатели и подписчики наших социальных сетей поздравляем Вас с таким прекрасным праздником – Днем Республики Казахстан!
Вашему вниманию предлагаем онлайн-викторину «Республика туралы сүйіспеншілікпен»=«О Республике с любовью»
Ссылка: https://learningapps.org/watch?v=pqatg8kck22
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
Шот-Аман Уәлихановтың шығармашылық мұрасы.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #ПрямыеЭфиры #Чтение #Книги
ҚР Президентінің 1997 жылғы 20 қазандағы Жарлығымен Ақмола қаласы 1997 жылғы 10 желтоқсаннан бастап ресми түрде Қазақстанның астанасы болып жарияланғанына тура 25 жыл өтіпті.
“Астана – Отанымыздың жүрегі, тәуелсіздіктің тірегі” атты тікелей эфирде №7 орта мектептің қазақ тілі мен әдебиеті пәнінің мұғалімі Ғаббасова Самал Сәркенқызы Астананың тарихы, оның дамуы мен Қазақстан үшін маңызы туралы айтып берді.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #ПрямыеЭфиры #Чтение #Книги
2022 жылдың 2 қыркүйегі күні Сәбит Мұқанов атындағы Солтүстік Қазақстан облыстық әмбебап ғылыми кітапханасында Ахмет Байтұрсынұлының туғанына 150 жыл толуына арналған «Ахмет Байтұрсынұлы – қазақ халқының рухани көсемі» атты әдеби кеш СҚО Полиция департаментімен бірге өткізілді.
Шараға ақын-жазушылар, М.Қозыбаев атындағы Солтүстік Қазақстан университетінің студенттері, СҚО Полиция департаментінің , экономика тергеп-тергеу департаментінің қызметкерлері, облыстық ардагерлер кеңесінің мүшелері, кітапхана оқырмандары қатысты.
Кешті белгілі жазушы, журналист Жақсыбай Самрат жүргізді. М.Қозыбаев атындағы СҚУ Қазақ тілі мен әдебиеті кафедрасының аға оқытушысы, ғылым магистрі Синбаева Гульфайраз Кенжеболатқызы ұлт ұстазы, үздік ойдың тұлпары, ақын, қазақ мысалының негізін салушы, аудармашы, түркітанушы, қазақ әдебиеттануының алып бәйтерегі, тіл тағдыры үшін тынбай еңбек еткен Ахмет Байтұрсынұлының ұлттық руханиятымызға сіңірген еңбектері мен құнды мұралары туралы «Ахмет Байтұрсынұлы тағылымы» тақырыбында баяндама жасады. Орыс тілінде «Творчество Ахмета Байтурсынова в контексте эпохи и литературной традиции» тақырыбында баяндаманы М.Қозыбаев атындағы СҚУ Орыс тілі мен әдебиеті кафедрасының доценті, филология ғылымдарының кандидаты Ағыбаева Сабина Советқызы жасады.
Ахмет Байтұрсынұлының «Туған тілім» атты өлеңін СҚО Полиция капитаны Серік Әбілғазинов, «Досыма хат» өлеңін М.Қозыбаев атындағы СҚУ-дің студенті Диас Аяған жатқа оқып берді. Ақын Самрат Құскенов Ахмет Байтұрсынұлына «Арнау» өлеңін оқып берді.
СҚО Полиция департаментінің қызметкерлері Мақпал Жәменова мен Әсет Молдабаев қазақтың халық әні «Құсни Қорланды», Еркін Қабдулбариев «Отырар сазы» әнін тамаша орындап беріп, шараға жиналғандардың қошеметіне бөленді.
Шара барысында Ахмет Байтұрсынұлының елге айтқан соңғы сәлемі «Термесі» тыңдалды. Слайд көрсетілді. Қатысушылар «Алаш арысы» атты кітап көрмесін тамашалады.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
Қазақстан Республикасының қолданыстағы Конституциясы 1995 жылы 30 тамызда жалпыхалықтық референдум қабылданды. Бұл күн мемлекеттік мереке – Қазақстан Республикасының Конституциясы күні болып табылады. Ата-заң туралы мәліметтерді қабыл алыңыздар. Қазақстан Конституциясының дамуы, тарихы жайындағы «Қазақстан Республикасының Конституциясы», Қасым-Жомарт Тоқаевтің «Жаңа жағдайдағы Қазақстан: іс-қимыл кезеңі», Андрей Чеботарёвтің «Егемен Қазақстандағы саяси ойтаным», Өмірәлі Қопабаевтың «Ата Заң-Мемлекет дамуының іргетасы», «Қазақстан: мемлекеттілік кезеңдері» басылымдарды ұсынамыз.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги #ТәуелсiздiктiңТiрегiАтаЗаң
Бүгін С.Мұқанов атындағы облыстық кітапханада белгілі жазушы, журналист Жақсыбай Самраттың қатысуымен «Конституция – Ұлы Дала елінің құндылығы» тақырыбына тікелей эфир өтті. Эфирде осы жылдың 5 маусымында өткен республикалық референдумның нәтижесінде Конституцияға енгізілген өзгерістер мен толықтырулар жайында сөз болды.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги #КонституцияҰлыДалаЕлініңҚұндылығы
Тікелей эфир “Тәуелсiздiктiң тiрегi – ата заң!”.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
Тікелей эфир. “Конституция ұлы дала елінің құндылығы”.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
Бүгінгі әдеби сағатымыз қазақтың көрнекті жазушысы, академигі, драматургы, ғалымы және қоғам қайраткері Мұхтар Әуезовтің 125 жылдығына арналып отыр. Жас кезінен бастап ізденіп, білімін кеңейтіп, өмірінің соңына дейін әдебиет саласында тынымсыз еңбек етті. Мұхтар Әуезовтың «Абай жолы» романы – қазақ әдебиетінің ең атақты туындысы болып саналады. Бұл романда – Абайдың өмірі және 19 ғасырдағы қазақ қоғамының тұрмысы сипатталған. Осы шығарма үшін ол сол кездегі ең құрметті марапаттардың бірі – Ленин сыйлығына ие болды. Айта кетсек, Мұхтар Әуезовтің шығармалары өз өзектілігін жоғалтқан жоқ, автордың пьесалары әлі күнге дейін театр сахналарында қойылып келеді.
#БиблиотекаимСМуканова #ЛучшаяБиблиотекаРК #СамыйЧитающийРегионСКО#Коворкинг #ПарасатЖолы #Мейкерспейс #Мероприятия #Информация #Чтение#Книги #МұхтарӘуезов125Жыл #ҚазақЖерініңДанаҰлы
29 тамыз – Семей ядролық полигонының жабылған күні. 1991 жылы дәл осы күні Қазақстан ядролық қару-жарақтан бас тарту туралы тарихи шешім қабылдап, антиядролық қозғалыс көшбасшыларының бірі болды. Бұл қазақ халқы қырық жыл күткен тағдыркесті шешім еді. Биыл қазақ даласына үлкен қасірет әкелген Семей полигонының жабылғанына 31 жыл толып отыр. Осы күнге орай Абонемент бөлімінің басшысы Маликова Қ.Қ. сіздерді ақын, жазушы, журналист Сәуле Досжанның «Қасірет пен тағдыр» және «Үзілмеген үміт» атты екі кітаптан тұратын дилогиясымен таныстырады.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги #СемейЯдролықПолигоныныңЖабылғанКүні #29Тамыз #ҚасіретПенТағдырЕлдіңШеріМенҚайғысы
2022 жылдың 24 тамызы күні Сәбит Мұқанов атындағы Солтүстік Қазақстан облыстық әмбебап ғылыми кітапханасында «Бейсен және болмыс» кітабының тұсаукесері өтті.
Шараға ақындар, мәдениет саласының қызметкерлері, мұғалімдер, жастар, кітапхана оқырмандары қатысты.
Шараны ақын, облыстық тарихи-өлкетану музейінің қызметкері Самрат Құскенов жүргізді.
Шара Ақан сері атындағы облыстық филармонияның әншілері Абылайхан Ақмағамбеттің орындауында Үкілі Ыбырайдың «Гәкку» әнімен, Нариман Жолдасбековтің орындауында Тәттімбеттің «Саржайлау» күйімен, Қазақ Ұлттық өнер университетінің 3 курс студенті Ерасыл Алпысбайдың орындауында Манарбек Ержановтың «Сайра бұлбұл» әнімен ашылды.
Ақындар Аманжол Зағыпар мен Самрат Құскенов өздерінің Бейсенге арнаған арнау өлеңдерін оқып берді.
Тұсаукесер рәсімін «Асыл мұра» орталығының қызметкері Сағындық Салмұрзин, С.Мұқанов атындағы облыстық қазақ сазды-драма театрының директоры Біржан Жалғасбаев, «Қазақ тілі» қоғамының төрағасы Жанат Мұхамеджанов, ақын Аманжол Зағыпар жасады.
Алғашқы болып сөз сөйлеген «Отбасы хрестоматиясы» қорының директоры Бағдат Құдияр «Отбасы хрестоматиясы» жобасының шығу тарихы туралы, атқарып жатқан жұмыстары, болашаққа жоспарлары туралы айта келіп, «Бейсен және болмыс» кітабының әсіресе бала тәрбиесіне пайдасы зор, Бейсеннің таңғажайып ерліктері туралы кітап екеніне тоқталды.
Келесі сөз сөйлеген «Отбасы хрестоматиясы» жобасының және «Бейсен және болмыс» кітабының авторы Санжар Керімбай белгілі журналист, танымал тележүргізуші болған Бейсен Құранбекпен алғаш рет қалай танысқанын, сол кезден бастап, оның өмірінің соңына дейін жақын қарым-қатынаста болғанын, осы жобаны жүзеге асыруға көп көмегі тигенін, оның таза, адал, ашық, сенімді, жауапты, адамгершілік қасиеттері зор адам болғанын әсерлі баяндады.
Ардагер ұстаз Ғалия Өмірбекова кітап туралы өз пікірімен бөлісіп, өте құнды еңбек екенін баса айтты.
Шара барысында Бейсен туралы видеоролик көрсетілді. Қатысушылар «Отбасы хрестоматиясы» баспасынан басылып шыққан кітаптардың көрмесін тамашалады.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
Іс қағаздарын жүргізуді дұрыс ұйымдастыру кез келген ұйым қызметі туралы шынайы мәліметтер алып отыруға мүмкіндік беретіні және оларды неғұрлым тиімділікпен басқаруға ықпал ететіні айқын. Бұл іс қазіргі жағдайда бірқатар түбегейлі ерекшеліктерге ие болып отыр. Солтүстік Қазақстан облысының Әділет департаменті бойынша әкімшілік-құқықтық бөлімінің бас маманы Күлпаш Жағапарқызы Тулебаева кітапхана оқырмандарын осы ерекшеліктерімен таныстырып өтті. Соның ішінде ресми хаттарды, сұраным, негіздемелерді қалай жазу керек екенің атап өтті. Ресми құжаттатардың аудару ерекшеліктерімен таныстырды. Бүгінгі күні Әділет департаментында іс-қағаздарды жүргізу жөніндегі шаралар жайында да айтты.
Заманымыздың кемеңгер жазушысы, қазақ әдебиеті мен мәдениетінің биік шыңы – ұлы Мұхтар Омарханұлы Әуезовтің 125 жылдығына арналған «Қазақ жерінің дана ұлы» атты әдеби сағатымызды тамашалауға шақырамыз.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
Бүгінгі толқын білмейтін де шығар, ол қазағым деп өткен Алаш арыстары мен халқымыздың беткеұстар тұлғаларының 37-нің топалаңы кезінде азап шегіп, темір тордың ішінде жылдар бойы қамау көріп, ұл-қыздарының қайда екенін білмей, зарлаған аяулы аналарымыз жөнінде «АЛЖИР» деген екі сериялы деректі фильм түсірген кинорежиссер Аяған Шәжімбай.
Бұл кітап Аяған Шәжімбаевтың 60жыл толуына арналған жинақ. Соның ішінде республикалық және облыстық газеттерде жарияланған өлеңдер мен естеліктер, оның кинотуындылары жөніндегі мақалалар және жан-жақты дарын иесінің қаламгерлік қырын танытатын повесі мен әңгімелері енгізілген.
Толықтыра кетейік, кітап Аяған Қуандықұлының ағасы Құдайберді Қуандықұлының қолтаңбасымен кітапханаға берілген.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
2022 жылдың 23 тамызы күні Сәбит Мұқанов атындағы Солтүстік Қазақстан облыстық әмбебап ғылыми кітапханасында тікелей эфирде ақын, химия ғылымдарының кандидаты, М.Қозыбаев атындағы Солтүстік Қазақстан университетінің оқытушысы Гүлсім Бағрамқызы Әубәкірмен шығармашылық кездесу және «Іздерім» атты өлеңдер жинағымен таныстыру өтті.
Жүздесу барысында Гүлсім Әубәкір оқырман қауымға өзін толыққанды таныстырып, бүгінге дейінгі жетістіктерге жету жолындағы есте қаларлық естеліктерімен бөлісті, әлеуметтік парақшамыздағы оқырмандардың қызықтырған сұрақтарына толық жауабын беріп, шығармашылығы жайында ой қозғады. Кездесу соңында «Іздерім» жинағынан оқырман қауымның сұрауы бойынша өз өлеңдерін оқып, алдағы атқарылар жоспарларымен бөлісті.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
Тікелей эфирде экспресс-обзор «Алаштың Аяғаны» өтеді.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
6 шілде күні Қазақстан Астана күнін атап өтеді. Осыған орай біз сіздерге «Біздің астанамыздың көрікті жерлері» атты онлайн – викторинаға қатысуды ұсынамыз.
6 июля Казахстан отмечает День столицы и мы предлагаем вам поучаствовать в онлайн-викторине «Достопримечательности нашей столицы».
Ссылка на викторину: https://learningapps.org/watch?v=pgiruh0cj22
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
Тікелей эфир ұлттық домбыра күніне орай музыка сағаты «Күмбірлесін қазақтың домбырасы». Белгілі күйші-домбырашы, Солтүстік Қазақстан облысының құрметті азаматы Құсайынов Серікбай Бәриұлы.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
Тікелей эфир «Абай Жолы» экспресс – шолу.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
2022 жылдың 30 маусымы күні Сәбит Мұқанов атындағы Солтүстік Қазақстан облыстық әмбебап ғылыми кітапханасында тікелей эфирде «Журнал беттерінен» тақырыбында журналдарға шолу жасалды.
Шолуды кітапханашы Дамира Серікбаева жасады.
Бүгінгі шолуда қазақ тіліндегі әдебиет бөліміндегі журналдармен таныстырып өттік. Оның ішінде, Республикалық ғылыми-әдістемелік, педагогикалық, құқықтық, ғылыми-практикалық, қоғамдық-саяси, әдеби-мәдени, ғылыми-көпшілік және де Қазақстан жазушыларының әдеби-әлеуметтік журналдарына жан-жақты тоқталдық.
Сондай-ақ биыл Алаш ардақтысы, ұлт ұстазы Ахмет Байтұрсынұлының туғанына 150 жыл толуына орай ұлттық қоғамдық-саяси журнал «Ақиқат», әдеби-мәдени, қоғамдық-саяси журнал «Үркер», ғылыми-әдістемелік «Қазақ тарихы» журналдарында Ахмет Байтұрсынұлы туралы мақалалар мен оның қанатты сөздері берілгендігі айтылды.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги #ЖурналБеттерінен
Тікелей эфир «Журнал беттерінен».
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
Тікелей эфир онлайн жоба «Бірге оқимыз» М.Қозыбаев атындағы Солтүстік Қазақстан университетінің «Foundation» факультетінің оқытушысы Нұрбүбі Тұрсынғали жазушы Асқар Алтайдың «Киллер сауысқан» атты кітабы туралы.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
«Қырық мысал» – төл туынды «Бір ел – бір кітап» акциясы.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги
2022 жылдың 24 маусымы күні Сәбит Мұқанов атындағы Солтүстік Қазақстан облыстық әмбебап ғылыми кітапханасында тікелей эфирде «Қазақтың ұлттық ағаш ыдыс-аяқтары» тақырыбында онлайн дәріс өтті.
Онлайн дәрісті осы кітапхананың бөлім басшысы Майра Әшімова өткізді. Ол ежелгі халық шеберлерінің емен, қайың және басқа да күшті ағаштарды пайдалана отырып, экологиялық таза табиғи материалдан ыдыс жасағанын, ұлт тұрмысы өмір салтында ас сақталатын ыдыс-аяқтарға ерекше көңіл бөлгенін айта келіп, қазақтың ұлттық ағаш ыдыс-аяқтарына жан-жақты тоқталып өтті. Олар: астау, тостаған, келі-келсап, зерен, тегене, саптыаяқ, ожау, қасық, табақ, күбі, піспек және кебеже.
Сондай-ақ қазіргі таңда ағаштан жасалған ыдыс-аяқтың адам денсаулығына пайдасы зор екендігін айтып, мамандардың ағаш ыдыстарды тұрмыста тұтынғанды дұрыс деп санайтынын жеткізді.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги #ҚазақтыңҰлттықАғашЫдысАяқтары
Әдеби мемориалды мұражай-үйінің экспициясы көрнекті жазушы И.П. Шуховтың өмір мен шығармаылығы жайында айтады.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Информация #Мероприятия #Книги #Чтение #Коворкинг #ПарасатЖолы #Мейкерспейс
#ГодДетскойЛитературы
Тікелей эфир «Салауаттылық – өмір негізі»
Касенова Әсел Игілікқызы – М.Қозыбаев атындағы СҚУ аға оқытушысы, магистр.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Информация #Мероприятия #Книги #Чтение #Коворкинг #ПарасатЖолы
Көптеген кітаптардың өзектілігі жылдар бойы жоғалмайтынын бәріміз білеміз. Сондай-ақ, атаулы күндер тек кітап авторларыда ғана болмайтынын білеміз. Әдебиет әлемінде жауһарлар деп танылған көптеген шығармалар бар. Бұл бәрі білетін кітаптар, бүкіл әлем оқырмандарының сүйіспеншілігіне ие болған кітаптар.
Бүгін біз сіздерді 2021 жылғы мерейгер кітаптарымен таныстырғымыз келеді.
