Ынтымақ көкжиегі

1991 жыл — еліміздің “Қазақстан” деген асқақ атпен бүкіл әлемге алғаш қадам басқан кезеңі. Қазіргі Қазақстан әлемде мақтанарлықтай беделге ие. Арада өткен осындай аз ғана уақыттың ішінде інде еліміз көптеген ірі экономикалық, саяси және әлеуметтік жетістіктерге қол жеткізді.
Еліміздің аяғынан нық тұруы, ұлттық қауіпсіздікті қамтамасыз етуі және экономикамыздың жедел қарқынмен дамуы қазіргі таңда негізгі стратегиялық бағыттар болып отыр.
Бүгінгі Қазақстан тек өзі орналасқан аймақта ғана емес, бүкіл әлемдік проблемаларды талқылауда және шешуде ықпалды рөл атқарып келеді.
“Қаз тұрып,қадам басқан тәуелсіздік сәбилік тұсауын өміршең уақытқа кестірген кезден бастап, осынау 25 жылдың бедерінде айшылық жерді алты рет аттаған алып секілді, дәуір жалын мығым ұстап, тізгінін бекем қаға білді», — деп Елбасы Нұрсұлтан Назарбаев айтқандай,егемен Қазақстанды бүгінде барша әлем танып отыр.
Азаттыққа бет алған кезеңнен бастап Тұңғыш Президентіміз Нұрсұлтан Назарбаевтың Жарлығымен бүгінгі Ұлы Дала елінің іргетасын нығайтуға бағытталған айтулы шешімдер қабылдана бастады.
Солардың ең бастыларының бірі — Елбасымыздың шетте тарыдай шашырап жүрген қандастарымызды атажұртқа шақырып, қоныстандыруға арналған көші қон туралы Жарлығы.
Елбасы Нұрсұлтан Назарбаевтың алыста жүрген ағайынды атажұртқа шақыру туралы батыл әрі тарихи шешімінің арқасында көші-қон мәселесі мемлекетіміздің стратегиялық басым бағытына айналды.
Елімізге ширек ғасырға жуық уақыт ішінде бір миллионға жуық қазақ келіп қосылды. Өткен жылы 24 қарашада “Халықтың көші-қоны туралы” Заңға өзгертулер мен толықтырулар енгізіліп, қайта қабылданды.
1992 жылы қыркүйек-қазан айларында Алматыда Дүниежүзі
Әлемнің 13 мемлекетінен келген отандастарымыздың қатарында үлкен қазақ диаспорасы бар елдер де аз емес.
Мәселең Өзбекстанда-870, ал Ресейде 660 мың қазақ тұрып жатса, міне, сол елдерден де бауырларымыз арнайы ат терлетіп осынау маңызды басқосуға асыға жетті. Барлық қатысушылар саны 800 адам болды. Құрылтайда Қазақстан Республикасы Жоғарғы Кеңесінің 1992 жылғы 26 маусымда қабылдаған “Көші-қон туралы” Заңы негізінде қандастарымыздың елге оралуына мүмкіндік жасалғаны айтылды.
Дүниежүзі қазақтарының құрылтайына қатысушылардың қазақ халқына Үндеуі жарияланды. Онда’ “30 қыркүйек — Ұлттық бірлік күні” деп аталды. Сөйтіп, бұл жиында бүкіл әлемдегі отандастарымызды Қазақстанның экономикалық-әлеуметтік, мәдени-интеллектуалдық мүмкіншілігін молайтуға, бар қабілеті мен еңбегін туған ел игілігіне жұмсауға шақырды.
Дүниежүзі қазақтары қауымдастығы — халықаралық қоғамдық ұйым. Ол 1992 жылғы қыркүйекте өткен Дүниежүзі қазақтарының құрылтайында құрылды. Қауымдастық төралқасының төрағасы — Қазақстан Республикасының Президенті,Елбасы Нұрсұлтан Назарбаев. Әлем , қазақтарының алғашқы басқосуы ‘ жер жүзіндегі бүкіл қазақтың атажұртқа деген ынта — ықыласын, мақтанышы мен сүйіспеншілігін арттырып, олардың тарихи Отаны Қазақстанға оралуын барынша көбеитуге әсер етті.
Тағдырдың жазуымен шартарапқа шашырап кеткен қазақтың басын бір арнаға тоғыстыру еліміз егемендікке қол жеткізгені кейін жүзеге асырылғанын әрбір адам білуі керек.
Қауымдастықтың негізгі міндеті -шетелдерде тұратын қазақтармен
мәдени-рухани, оқу-білім және іскерлік бизнес саласында байланыс жасау. Ол дүниеге келген уақыттан бері өз Жарғысында белгіленіп, бекітілген міндеттер аясында жұмыс істейді.
Ешқандай саяси мақсат көздемейді. Өзге мемлекеттердің ішкі ісіне араласпайды. Күнделікті жұмысында Қазақстан Республикасының шетелдермен мәдени-рухани, оқу-білім және экономикалық салада жасалған келісімшарттарды, басқа да халықаралық құжаттар мен актілерді басшылыққа алады.
Қауымдастық сыртта жүрген қандастарымыздың күнделікті тыныс тіршілігінің барлық салаларына қатысты ірілі-ұсақты мәселелердің бәрімен тұрақты шұғылданып келеді.
Қазақ диаспорасы шеңберінің ұлғаюы нәтижесінде алыс-жақын шетелдердегі ағайындармен сан-салалы байланыстарды жетілдіру жолдарын өз қызметінің негізгі өзегі деп біледі.
Сондай-ақ,республикадан тысқары, шетелдерде жүрген қазақ диаспорасымен жан-жақты тығыз байланыс орнату, мәдени және білім беру мәселелері жөнінен жәрдемдесу де қауымдастық қызметінің бір саласы болып есептелінеді.
Тарихи ! Отанына көшіп келген оралмандарға әлеуметтік қамқорлық жасап, қайырымдылық шараларын ұйымдастырады.
Шетелдердегі қазақтардың мәдени орталықтарымен тығыз байланыс орнатып, бірлескен бағдарламаларды жүзеге асырып келеді, Ресеймен шекаралас аймақтармен байланысты жолға қою мақсатында 2007 жылғы 13 сәуірде аталған қауымдастықтың Солтүстік Қазақстан облыстық филиалы құрылған болатын.
Содан бері нақты байланыстар сонау Ресейдің Ямало-Ненецк ұлттық округінен Таулы Алтайдағы Қос-Ағаш ауданындағы қандастарымызға жетті. Красноярск өлкесінде, Салехард, Лабытнанги, Сургут, Лянтор.Томск, Новосибирск, Екатеринбург, Орынбор, Челябинск, Астрахань, Самара, Мурманск, Мәскеу, Санкт-Петербург, Калининград қалаларында, Якутия, Татарстан.
Башқұртстан, Қырым автономды республикаларында тұратын қазақтармен танысып, қарым-қатынас құруамыз. Байланыс географиямыз Украина, Беларусь, Балтық елдеріне Моңғолия, Қытай, Түркия, Сауд Арабиясы,Біріккен Араб Әмірлігі,Еуропаға, Америка Құрама Штаттарына дейін кеңейді.

Әлемдегі елуге тарта елде тарыдай шашылып жүрген бауырларымыз Қазақ елің Елбасының мәртебесінің жылдан-жылға биіктегенін шексіз мақтан етеді.

Салиқалы да салмақты жүргізілген ұлттық саясат адам көңіліне сенім ұялатып, нарықтық экономикасымен бейбітшілікке негізделген сыртқы саясаты барзайырлы, демократиялық қазақ және жүз отыздай басқа этнос өкілдерінің ынтымақбірлігі жарасқан біздің еліміз бүгін әлемдік қауымдастықтың лайықты мүшесі ретінде дамуда.

Сағындық Салмұрзин,
дүниежүзі қазақтары кауымдастығы облыстық филиалының төрағасы.

Салмұрзин.С. Ынтымақ көкжиегі. // Солтүстік Қазақстан. – 2016 . – 7 қазан . – 4 б.