Игібай Әлібаевтың мұрасы

Дата публикации:

 Игібай ақынның көзі тірісінде «Айтуар» кітабынан басқа туындысының жарық көрмегені бәрімізге аян. Шығармашылығы мен өмір жолы газет-журнал беттерінде қанша жазылса да, айтулы жерлесіміздің артына қалдырған мұрасы топтастырылған жинақтың жоқ екендігі талай мәрте көтерілген.

— 1974 жылы Алматы қаласындағы «Жазушы» баспасынан «Айтуар» деген атаумен пышақтың қырындай ғана кітап жарық көрді. Бұл туындының шығуына қазақтың қабырғалы қаламгері, классик жазушы, жерлесіміз Сәбит Мұқанов қол ұшын созды. Жазушының «Әншi ақын» атты алғысөзінде И. Әлібаевтың сегіз қырлы, бір сырлы азамат болғаны көркем кестеленген.

Арада елу жыл өткеннен кейін ақынның немересі Көгаршын Жалбарқызы жинаған материалдар мен жергілікті зиялы қауым өкілдерінің жазған ой толғаулары бір кітапқа енгізіліп отыр. Туындының жарыққа шығуына қазақ тілі мен әдебиеті пәндерінің мұғалімі Жақсылық Қажымұратов ағамыздың сіңірген еңбегі орасан. Ол кісі өз ауылының азаматтарын ұйымшылдыққа шақырып, игі істің бас-қасында жүрді, , — дейді кітапты құрастырушылардың бірі Самрат Құскенов.

Айтыстың ақтаңгері, жезтаңдай әнші, облыстың халық ақыны Игібай Әлібаевтың «Тарихта қалған нар тұлға» шығармалар жинағы оқырмандар қауымына жол тартты. Жинақ Алматы қаласындағы «Үш қиян» баспасында басылды, деп хабарлайды Qyzyljarnews.kz тілшісі.

Кітап үш бөлімнен тұрады. Туындыдағы «Қызылжар – қарт Есілдің баласындай» деген бөлімде ақынның өлеңдері топтастырылған. «Қызбел», «Домбыра», «Биші қыз» поэмалары екінші бөлімге енгізіліпті. Ал соңғы үшінші «Облыстың халық ақыны» бөлімінде өлкетану бағытында қалам тербеген жерлестеріміздің ақын туралы жазған материалдары көрініс тауыпты.

«Тарихта қалған нар тұлғаның» жарық көруіне ақынның туған жері – Айтуар ауылының азаматтары: Мәди Базаров, Шыңғыс Қабдуллин, Бағыт Манасбаев, Дәурен Байғабыловтар көрсетсе, Жамбыл ауданының әкімі Медет Оспанов кітаптың Алматыдан Қызылжарға жетуіне жағдай жасады.

Аманжол Нұртазин

Нұртазин А. Игібай Әлібаевтың «Тарихта қалған нар тұлға» шығармалар жинағы жарық көрді // https://qyzyljarnews.kz/14778/igibay-elibaevtyn-tarihta-kalgan-nar-tulga-shygarmalar-zhinagy-zharyk-kordi/

Похожие записи

  • Мағжан шығармалары әлі толық жиналған жоқ

    Дата публикации:

     Мағжан шығармалары әлі толық жиналған жоқ
    «Мағжан Жұмабаев өмірі — шабыт пен табыт, кұлшыну мен тұншығудың екі арасында арпалысып өткен аласапыран өмір. Өлгендер өлді, ал тірілеріміз оның алдында мәңгі қарыздармыз. Бұрын ол жактаушыға мұктаж еді, енді ізденушіге мұқтаж. Іздеу керек, жаппай іздфміз керек! Мағжанның орнын Мағжан шығармалары ғана толтыра алады».
    Қадыр Мырза әлі
    Жерлес жазушы, тәжірибелі журналист Жарасбай Сүлейменов 2009 жылы өзі құрастырып баспадан шығарған «Мағжан әлемі, әдеби зерттеулер» атты кітабының «Құрастырушыдан» атты алғы сөзінде:
    Ғасырдың 90-шы жылдарына дөп келген Мағжанды жарыса жазу үрдісі әлі де саябырсыр емес.
    Оның алдағы кезеңде де жалғаса беретініне сеніміміз мол. Өйткені, Мағжандай алыптың жаратылысының, болмыс-бітімінің, талантының
    қатпар-қатпар құпия сырлары — бүгінгі буынды да, келер ұрпақты да қызықтыратын құнды қазына, сарқылмайтын байлық», -деп жазған еді.

  • Жас журналистердің ақылшысы

    Дата публикации:

     Оқушы кезімде де, Петропавл қаласындағы педагогика институтының физика-математика факультетінде білім алған шақта да, ауыл мектебінде мұғалім болған жылдары да жазғандарым облыстық “Ленин туы” (қазіргі “Soltüstık Qazaqstan”) газетінде жиі болмаса да жарық көріп тұратын. Оның үстіне біздің ауылдағы әскерде бірге болған достарына қонаққа келетін газет тілшісі Жарасбай Сүлейменов (қазір белгілі қоғам қайраткері, жазушы) мені журналист болуға үгіттейтін. Әйтеуір осындай мың себептерді ми қатпарынан толғана өткізген соң, түпкілікті бір шешімге келіп, облыс орталығына жол тарттым.

  • Асыл азамат

    Дата публикации:

     Алаштың арыстары бейнеленген осы суретті газетімізде бұрын да пайдаланған едік. Сол сәтте Ахмет Байтұрсынов, Міржақып Дулатов, Жүсіпбек Аймауытов, Мұхтар Әуезов сынды тұлғаларды жазбай танысақ та, Абдолла Байтасовқа келгенде көңілімізді күмән торлап, басты кейіпкерімізді дөп басып көрсете алмағанымыз рас.
    Бүгінде осы олқылықтың орнын толтырудың сәті түсіп отыр. Астанадағы Л.Гумилев атындағы Еуразия ұлттық университетінің 4 курс студенті Гүлсезім Теміртас өзінің редакцияға жолдаған мақаласында А.Байтасовтың екінші қатарда оң жақтан бірінші тұрғанын көрсетіп қана қоймай, суреттің қайжылы, қайқалада түсірілгенін де нақпанақ жазыпты.
    Фотосурет 1991 жылы «Егемен Қазақстан» газетінде жарияланғанда онда кімдердің бейнеленгенін ажырата алмағандар көп болған. Жұмбақтың шешуін фотомұраны алғашқылардың бірі болып көрген Гүлнәр апай Міржақыпқызы Дулатова айтып беріпті.
    Суретте халқымыздың ардақты перзенттері: алдыңғы қатарда (солдан оңға қарай): Халел Ғаббасов, Міржақып Дулатұлы, Ахмет Байтұрсынұлы, Мұхтар Әуезов; екінші қатарда (солдан оңға қарай): Жүсіпбек Аймауытов, Әлкей Марғұлаң Абдолла Байтасұлы бейнеленген
    Гулнәр апайдың айтуынша, фотосурет 1926 жылы Қызылорда қаласында түсірілген. Республиканың сол кездегі астанасы, мәдени орталығы Қызылорда қаласы болғандықтан, алаш зиялылары сонда жиналып, ұлт мүддесіне қатысты мәселелерді шешу жолдарын бірлесе іздестірген.