Жабай Қарабиұлы

ЖАБАЙ Қарабиұлы (1697, Солт. Қазақстан обл. Жамбыл ауд. — 18-ғ-дың 70-жылдары, сонда) — батыр. Орта жүздің Керей тайпасының ашамайлы руынан шыққан. Жоңғар шапқыншыларына қарсы соғыста батылдық көрсеткен. Ж. батыр туралы Дастем-сал “Қаһармандар” дастанында жырлаған. Ж-дың батырлығы, ерлігі Үмбетей, Жанкісі, Тәттіқара, Көтеш. т.б. ақындар өлеңдері мен поэмаларында көрніс тапқан. Оның ұлдары Тоқсан, Сексен, Мыңжасардың ұрпақтары Солт. Қазақстан обл. мен Ресей Федерациясының Түмен обл-нда тұрады.

Әдеб.: Мағауин М.Алдаспан. А.-А., 1971; Қазақстан Ұлттық энциклопедия. Алматы. 2001.