Зайберт Юрий Федорович

ЗАЙБЕРТ Юрий Федорович (23.2.1952, Солт. Қазақстан обл. Есіл ауд. Николаев а.) — сазгер, үазаүстанның еңбек сіңірген мәдениет қайраткері. Қазақстан композиторлар одағының мүшесі. Уфа мемл. өнер ин-тын бітірген (1980). Әскери-патриоттық, лирикалық және балаларға арналған туған жер, батыр жерлестері туралы әндердін авторы. Олардың ішінде кең тарағаны: “Туған жер (сөзі М.Жұмабаевтікі), “Қазақстан мен Ресей” (сөзі мен әні өзінікі), “Нан туралы баллада” (сөзі В.Шестерикованікі), “Ана туралы ән”, “Достар кездесуі” (сөзі мен әні өзінікі), “Біздерге жиі күлкі сыйлаңыздар” (сөзі А.Синдицкийдікі), т.б. 1973—75 ж. Петропавл қ-нда ән сабағының мұғалімі, кейін халық аспаптар оркестрінде дирижері, Халық хорының концертмейстері, Петропавл өнер колледжінің директоры болған.