Винокуров Александр Николаевич

ВИНОКУРОВ Александр Николаевич (16.9.1973, Солт. Қаз. обл. Қызылжар ауд. Бескөл а.) — велосипедші, ҚР-на еңбек сіңірген спорт шебері, Азия чемпионы. Сидней Олимпиадасының күміс жүлдегері (2000), “Тур де Франс” Хатықар. велосипед жарысының қола жүлдегері (2003), Солт. Қазақстан мемл. ун-тін бітірген (1993). Еңбек жолын велоспорт бойынша нұсқаушы, “Викти” эксперименталді шаруашылық есеп-айырысу спорт клубында велосипедтерді жөндеу шеберханасында дәнекерлеуші болып бастаған. 1993—95 ж. әскери бөлімде мерген, ал 1995— 98 ж. әскери бөлімде денешынықтыру дайындығы бойынша бақылаушы-нұсқаушысы. 1998 ж. В. “Дойчтелекомда” өнер көрсетуге шақырылды. Бұл клубпен келісімшарт мерзімі екі рет ұзартылды. Жарыстарға Қазақстан атынан шығады. 2002 жылдан Солт. Қазақстан обл. ІІБ мемлекеттік күзет қызметінің ерекше тапсырмалары бойынша жетекші маманы болып жұмыс істейді. Әлемдік рейтингте 6-орынға шыққан.