Тәштитов Қайсар

ТӘШТИТОВ Қайсар (1904, Солт. Қазақстан обл. қазіргі Аққайың ауд. Бейнетқор болысы – 1938) – Қазақстанда комсомол-жастар қозғалысын ұйымдастырушы. Еңбек жолын 1919 ж. бастаған. 1922-24 ж. Петропавл қ-ндағы губ. партня мектебінің тыңдаушысы. кейіннен оқытушысы. 1924-25 ж. Ақмола обл. комсомол к-ті ұйымдастыру бөлімінің меңгерушісі болған. 1926-30 ж. Мәскеу қ-ндағы Коммунистік ун-тінде оқыған. 1930-31 ж. ВКП(б) Қазақ өлкелік к-тінде жауапты қызметтерде. Қызылорда округтік партия к-тінің мәдени-ағарту жұмыстары бөлімінің меңгерушісі. Қарсақпай ауд. партия к-тінің хатшысы, Коммунистік жоғары оқу орындарының (Алматы) оқытушысы, 1931-33 ж. Қазақ КСР Оқу-ағарту Хатқомы меңгерушісінің орынбасары, Қазаты ауд. партия к-тінің хатшысы, Қазақстан ЛКЖО ОК-нің 1-хатшысы болған. Қазақстан Компартиясы ОК-нің мүшесі (1934). ҚАКСР ОАК-нің мүшесі (1935-37). 1937 ж. қуғын-сүргін құрбаны болған. кейін ақталған. Петропавл қ-ндағы бір көшеге Т. есімі берілген.