Орынбаева Әсия Біржанқызы

ОРЫНБАЕВА Әсия Біржанқызы (5.9.1956, Солт. Қазақстан обл. Ш.Уәлиханов ауд. Күрлеуіт а.) — журналист, жазушы. Қазақстан Журналистер одағының мүшесі (1978), Қазақстан Жазушылар одағының мүшесі (2001). С.М.Киров атынд. ҚазМУ-ды бітірген (1990). Шығармашылық жолын ауд. “Қызыл ту” және “Красное знамя” газеттерінің редакциясында бастаған (1975-78), одан кейін “Мектеп” баспасында (1986-2002) жұмыс істеген. 7-8 сынып оқушыларына арналған “Қазақстан тарихы” оқулығын аударған. “Назерке” (1996) және “Қызғаныш” (2001) повестер мен әңгімелер кітабының авторы.