Қанапиянов Ерұлан Мұсаханұлы

ҚАНАПИЯНОВ Ерұлан Мұсаханұлы (15.12.1958, СҚО қазіргі Айыртау ауд. Сырымбет а.) -сазгер. Қазақстан сазгерлер одағының мүшесі (2002). Қазақ мемл. ун-тінің (әл-Фараби атынд. Қазақ ұлттық ун-ті) тарих ф-тін бітірген соң оқытушылық және қоғамдық жұмыстарда болды. 90-жылдардың басынан бизнеспен айнатысып, “Жиһаз” ААҚ-ның президенті. “Алтын-Тастың” директоры болып жұмыс істеген. 70-80-жылдары Қазақстанның муз. ұжымдарымен бірлесіп жұмыс істеген. Н.Құлсариевпен бірлесіп, Арал экологиясы тақырыбына “Тақыр” рокоперабалетін құрған. “Река времен” деп аталатын авторлық муз. адьбомы жарық көрген (2001). Альбомға эстрадалық оркестрде ойналатын 9 муз. пьесасынан басқа “Арсенал” ансамблі орындайтын шығармалары енген. “Қазақстан — Австралия” қауымдастығының және “Алтын-Адам” қорының президенті. “Приз традиций” Халықар. Фестивалінің бас директоры. “Жыл сазгері” номинациясы бойынша ұлттық муз. А-1 сыйлығының лауреаты (2002).