«Мұқағали – мәңгілік ғұмыр»

Биыл қазақтың ақиық ақыны Мұқағали Мақатаевтың туғанына 90 жыл. Ақынның мерейтойына орай Е.Асқаров атындағы облыстық  жас ақындар мектебінің жазба ақындар бағыты бойынша жетекшісі, Халықаралық «Шабыт» фестивалінің дипломанты, республикалық айтыстардың, жыр-мүшайралардың жүлдегері, ақын Аманжол Зағыпар тікелей эфирде Мұқағалидың ақындығының, шығармашылығының құдіретін тілге тиек етті. Өзінің 2011 жылы республикалық Мұқағали атындағы жазба ақындар байқауында ақынға арнап жазған «Қаламның монологы» өлеңін және ақынның өз өлеңін оқып берді.