Жаңару уақыты: Солтүстік Қазақстан облысы Тәуелсіздік жылдарында = Время возрождения: Северо-Казахстанская область в годы Независимости

Кітапқа белгілі мемлекет және қоғам қайраткерлерінің, елімізге еңбегі сіңген айтулы азаматтардың, жергілікті билік органдарының және іргелі кәсіпорындардың басшыларының, Солтүстік Қазақстан облысының Құрметті азаматтары мен зиялы қауымы өкілдерінің Тәуелсіздік туралы ой-толғамдары, 20 жыл ішінде Қызылжар өңірінде жүзеге асырылған игілікті істер туралы мақалалары енгізілген.
Естеліктердің авторлары жас мемлекетіміздің қалыптасу кезеңінде солтүстікқазақстандықтардың елмен бірге бастан кешкен қиындықтары және Елбасы, Қазақстан Республикасының Тұңғыш Президенті Нұрсұлтан Назарбаев бастамашы болған түбегейлі әлеуметтік-экономикалық реформаларды жан-жақты қолдап, қажырлылықпен жүзеге асырудың арқасында қол жеткізген жетістіктері жайлы терең әңгіме қозғайды. Сондықтан да бұл кітап туған еліміздің Тәуелсіздік жылдарындағы шынайы шежіресін жазу ісіне лайықты үлес болып қосылады деп сенеміз.