Аннотация
ҚР ҮҒА-ның академигі Зейнолла Молдахметұлы Молдахметов өткен ғасырдың алпысыншы жылдары Мәскеудің Ломоносов атындағы Химия-технология институтының аспирантурасын бітіріп, ғылым кандидаты атанған аз қазақ жастарының бірі. Ол күрделі молекулаларды спектроскопиялық әдістер арқылы одан әрі зерттеудің негізін қалады. Атағы әлемге әйгілі ФИАН зертханасында талай тәжірибе жүргізіп. ондағы ірі ғалымдардан тәлім-тәрбие алған. Ол Қазақстанда квантты химия мектебін алғаш қалыптастырған дарабоз ғалым.
Зейнолла Молдахметов шебер ұйымдастырушы екенін Шымкент қаласындағы Қазақ химия-технология институтында, Карағанды мемлекеттік университетінде ректор болған жылдары толық дәлелдеді. Еліміз тәуелсіздікке ие болғаннан кейін ол ғасырлар бойғы байланыстарды үзбеу үшін екі елдің арасындағы алтын көпірдей Қазақстан-Ресей университетін ашты.
Кітап ғылым табалдырығын енді аттағалы тұрған жастарға, жоғары оқу орындарының зерттеуші-оқытушыларына, қалың оқырман қауымға арналған.