Аннотация
Ақын Жарасбай Нұрқанов «Қара көздер», «Нұрлы терезе», «Алтын десте», «Арманым менің», «Терең барлау», «Қызылжар», «Буынсыз бала» және тағы басқа да жыр жинақтарымен оқырман қауымға жақсы таныс. Ақынның өлеңдері ырғақтылығымен, әуезділігімен, көркем бояуларымен, әсем теңеулерімен, шебер ұйқастарымен ерекше баурайды. Ал, «Көкжиек» атты өлеңдер жинағы ақынның өзі өмірден өткеннен кейін құрастырылды. Жинаққа әр жылдардағы таңдамалы шығармалары мен соңғы уақытта жазған өлеңдері, поэмалары-дастандары, арнаулары мен толғаулары, әзіл-сықақ шымшымалары және балаларға арнап жазған жырлары енгізілген.