Аннотация
Кітап Шоқан Уәлихановтың өмір жолын, азаматтық, ғұламалық тұлғасын көрсетуге арналған қысқа-қысқа әңгімелерден тұрады. Шоқанның азаматтық асқақтығы, ой-толғамы, ақыл-парасаты, әйгілі Қашқар сапарында кездескен жан михнаты, әртүрлі шырғалаң, саяси-әлеуметтік жағдайдың күрделілігі бейбіт халықпен қарым-қатынас жасау барысында көрініс тапқан. Шоқанның достарының тағдырындағы қиын-қыстау кезеңдегі ой-сезімі арқылы Шоқан бейнесі сомдала түседі. Адамгершілік парыз, мейір-махаббат сияқты адамдық мөлдір сезімге құрылған жинақта Шоқан өмір сүрген ізгілік пен зұлымдық тайталасқан қоғамдық құрылыс туралы деректер, халықтар тарихы, достық-туыстық тамырлары туралы мәліметтер көп. Шоқанды қалыптастырған қазақ тарихына қатысты Абылай хан, Төле би, Кенесары, Наурызбай туралы әңгімелер танымдық, тағылымдық зор мәнге ие. Кітап қызықты да, тартымды оқылады.