Чиркалин Иван Федорович

ЧИРКАЛИН Иван Федорович (10.5.1947, Солт. Қазақстан обл. Мамлют ауд. Михайлов с.) – қоғам қайраткері. Орал политех. ин-тын бітірген. Еңбек жолын 1965 ж. комбайншы, тракторшы болып бастап, “Қазақауылшартехникасының” монтаждау басқармасында монтажшы болып жұмыс істеген. Армия қатарынан босатылған соң, 1968-89 ж. ПЗТМ-да бақылаушы, монтер, БТК бастығы, ауысым бастығы, экономикалық-жоспарлау бөлімінің инже-нер экономисі, бөлім бюросының бастығы қызметтерін атқарған. 1989 ж. Солт. Қазақстан обл. атқару к-ті экономика және нарықтық қатынастар к-тінің төрағасы, эконом. к-ттің төрағасы, обл. әкімшілік басшысының, Солт. Қазақстан обл. әкімінің орынбасары (1996). 2-шақырылған Қазақстан Республикасы Парламент Мәжілісінің депутаты.