Мұстафин Асқарбек Әбутәліпұлы

МҰСТАФИН Асқарбек Әбутәліпұлы (5.9.1953, Солт. Қазақстан обл. Мамлют ауд. Смирнов а.) — ҚР Ауыл ш. министрлігі Солт. Қазақстан обл. орман және аңшылық ш. аймақтық басқармасының бастығы. Алматы малдәрігерлік ин-тын бітірген (1975). 1975-78 ж. Солт. Қазақстан обл. Мәскеу ауд. малдәрігерлік ст-нда мал дәрігері, «Бұлақ» кеңшарының аға мал дәрігері; 1979—83 ж. Мәскеу ауд. комсомол к-тінің 1-хатшысы, 1983—85 ж. Мәскеу ауд. Пшкин кеңшары партия к-тінің хатшысы; 1987—88 ж. Мәскеу ауд. “Бұлақ” кеңшарының аға мал дәрігері; 1988-90 ж. Корнеев а-дық кеңесінің төрағасы; 1992-96 ж. Мәскеу ауд. Пушкин кеңшарының директоры; 1996-97 ж. ауыл ш. департаментінің бастығы; 1997-2003 ж. Жамбыл ауд-ның әкімі қызметтерін атқарған. “Еңбек Ері”, мерекелік “Астана”, “Қазақстан Республикасының тәуелсіздігіне 10 жыл” медалдерімен марапатталған.