Мұсабаева Нағима Абдрахманқызы

МҰСАБАЕВА Нағима Абдрахманқызы (1.5.1918, Петропавл қ.) — ғалым. филос. ғыл. докт. (1972), проф. (1974). Қазақстанның жоғары мектебінің еңбек сіңірген қызметкері. Семей пед. ин-тын (қазіргі Шәкәрім атынд. Семей мемл. ун-ті, 1937), КОКП ОК жанындағы қоғамдық ғылымдар академиясының аспирантурасын (1955) бітірген. 1951—53 ж. Қазақстанның мемл. жоспарлау к-ті төрағасының орынбасары; 1965—72 ж. Абай атынд. ҚазПИ-де (қазіргі Абай атынд. Қазақ ұлттық пед. ун-т) доцент, кейіннен Қазақстан ҒА-ның Философия және құқық ин-тында аға ғыл. қызметкер, бөлім меңгерушісі; 1974-80 ж. АХШИ-нда философия кафедрасының меңгерушісі қызметтерін атқарған. 1980 жылдан осы кафедраның профессоры әрі консультанты болып еңбек етеді.