Зенченко Геннадий Иванович

ЗЕНЧЕНКО Геннадий Иванович (4.5.1937, Солт. Қазақстан обл. қазіргі Шал ақын ауд. Приишим а.) — ауыл ш. өнеркәсіптерін ұйымдастырушы. Петропавл ауыл ш-н механикаландыру техникумын, ал 1973 ж. Петропавл пед. ин-тын бітірген. 1962 ж. Ленин а-нда электрослесарь, мұнай базасының меңгерушісі болды. 1965 жылдан механик, одан кейін МТМ меңгерушісі. 1968 жылдан Ленин а-нда бас инженер-механик, Совет ауд. “Казсельхозтехника” бірлестігінің бастығы. 1973 ж. атқару к-ті төрағасының орынбасары, ал 1976 жылдан “Новоникольский” кеңшарының директоры болды. Ауыл екі мәрте қайта құрылды: 1992 ж. арендаторлардың “Новоникольское” ауыл ш. қауымдастығы, ал 1997 ж. “Зенченко және компания” командиттік серіктестігіне бірікті. Онда 3. Бас директор қызметін атқарды. “Отан”, “Құрмет Белгісі”, “Еңбек Қызыл Ту” ордендерімен және медалдермен марапатталған.