Тікелей эфир «Өнердегі өнегелі өмір»

2021 жылдың 15 сәуірі күні сағат 16.00-де Сәбит Мұқанов атындағы облыстық әмбебап ғылыми кітапхананың тікелей эфирінде көрнекті композитор, музыка зерттеушісі, дирижер, Қазақстанның халық артисі Ахмет Жұбановтың туғанына 115 жыл толуына арналған «Өнердегі өнегелі өмір» тақырыбында онлайн дәріс өткізілді.
Белгілі күйші, ардагер ұстаз Құсайынов Серікбай Бәриұлы Ахмет Жұбановтың өнегелі өмірі мен қызметі, шығармашылығы жайлы жан-жақты баяндады. Музыканың сырлы әлеміне сапарын қос ішекті домбырадан, нәзік үнді сыбызғыдан бастаған Ахмет Жұбановтың композиторлық өнеріне терең тоқталып, оның «Би күйін» өте шебер орындап берді.