«Бірге оқимыз». Диас Аяған Тәкен Әлімқұловтың «Телқоңыр» әңгімелер жинағы туралы

2024 жылдың 22 ақпаны күні сағат 12.00-де Сәбит Мұқанов атындағы Солтүстік Қазақстан облыстық әмбебап ғылыми кітапханасында тікелей эфирде «Бірге оқимыз» онлайн жобасы аясында М.Қозыбаев атындағы Солтүстік Қазақстан университетінің 4 курс студенті Диас Аяған көрнекті жазушы Тәкен Әлімқұловтың «Телқоңыр» атты әңгімелер жинағы туралы баяндады (эфирге сілтеме).
Тәкен Әлімқұловтың «Телқоңыр» атты бұл кітабына тандамалы әңгімелері енгізілген. Оларда өнерде із қалдырған белгілі тұлғалар жайлы баяндалады. Жазушы өз шығармаларының кейіпкері ретінде Тәттімбет, Ықылас, Сүгір, Ақан сері, Махамбет сынды тұлғаларды алып, олардың өмірінің әр кезеңін суреттейді. Тәкен Әлімқұловтың өнер адамдарының жандүниесін терең түсінуі, музыка әлемімен жақын таныс болуы оның әңгімелерінің бағасын арттыра түседі. Кітаптағы астарлы ойлар, күрделі детальдар оқырманды бейжай қалдырмасы анық. Жинақтағы тағы бір топ әңгімелер тұлпарлар тағдырын бейнелеуге арналған. «Тұлпардың тағдыры», «Күржік», «Қаралы қызық» туындыларында жылқы мінезі ерекше суреттеліп, топтан озған сәйгүліктердің тағдыры жайлы сөз етіледі. Қаламгердің әңгімелері тілінің шұрайлылығымен, аз сөзділігімен, сипаттаудағы тың ізденістерімен құнды.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Информация #Чтение #Книги