Бекасыл әулие

Аннотация: «Бекасыл әулие» жазушы Мамытбек Қалдыбайдың баспадан жарық көріп отырған он бірінші кітабы. Қаламгердің жаңа туындысында XIX ғасырдың екінші жартысы мен ХХ ғасырдың басында Оңтүстік Қазақстан өнірінде өмір сүріп, ұлы әз Төле биден кейін әділет, адамгершілік туын құлатпай биік ұстаған, сахара ғұламасы аталған Бекасыл әулиенің ерлікке, ізгілікке толы іс-әрекеттері, рухани өсу, қалыптасу, ел ағасы болу жолындағы жан дүниесі бейнеленген. Сондай-ақ, кітаптан оқырман қауым Абылай хан, әз Төле би, Қаз дауысты Қазыбек, Әйтеке, Сырым, Сыпатай батыр, Бөлтірік, Жетес, Байдалы, шешен секілді басқа да ұлыларымыздың жұртқа беймәлім сөздерімен де танысады. Кітап тілі көркем, оқиғасы тың, шәжіре-дерекке бай.