Алтынның сынығы

Бұл жинақта Қанай, Бекболат, Құрмысы, Тоқсан, Етекбай, Асау, Бөлек, Әшім, Айдос, Қуанышбай, Нұрсейт билердің, Зілқара, Есенаман, Тәңірберді, Тұңғат, Сақау Мұса, Шоқан, Жанбатыр, Жандос, Байсымақ шешендердің, Абылай, Андықожа, Жәнібек, Бөгенбай, Жәпек, Күлеке, Жаңатай, Жабай, Қосағалы, Әлібек, Аңғал, Баубек батырлардың, Шал, Өске, Шөже, Орынбай, Арыстан, Сегіз сері, Шағырай, Есенбай, Ақан сері, Үкілі Ыбырай, Қарсақ, М.Жұмабаев, М.Асайынов, К.Салықов ақындардың, академик Е. А. Букетовтің, Ожан Балуанның және т.б. айтқыштардың шешендік, тапқырлық сөздері, өмірлерінің кейбір белестері алғаш рет құрастылып, жинақталған. Кітапқа сөз болған Ақылай, Қарауыл елінің кейбір аталарының шежіресі таратылған. Бұл сөздер ел аузынан мұқият жиналып, әртүрлі басылымдардан және ҚР ҰА ғылыми кітапханасының сирек қорынан алынып жазылды.
Жинақ автордың «Асыл сөз» атты кітабының заңды жалғасы. Бұл жинақты қазақ тілін үйренушілерге қосымша оқулық, үй тапсырмалары мен өзіндік жұмыстарын орындауға көмекші құрал ретінде пайдалануға болады.