Аннотация
Әдеби сынға елеулі үлес қосқан Айқын Нұрқатовтың бұл кітабы көркем әдебиеттің лениндік принциптері, партиялығы мен халықтығы тұжырымдалған «Басты бағдар, ұлы ойлар» атты мақаламен ашылады.
Ал, «Ғасыр перзенті» деген мақалада ұлы ағартушы Шоқан Уәлиханов жайында сөз қозғалса, «Білгенге маржан...» атты көлемді зерттеуде Абай творчествосы, поэзиядағы Абай дәстүрі әңгімеленеді. Абай сынды айтулы ақынның творчествосымен жете таныс адамның өзі айтылмыш мақаланы оқығанда сезім сұлулығына бөленіп, ұлы ақын жайлы ұлағатты ойлар түйеді.
Кітаптың дені М. Әуезов сынды ұлы жазушымыздың сан-салалы творчествосын талдауға арналған.
Бірқатар мақалаларда қазақ әдебиетінің келелі мәселелері кеңінен сөз болады.