Шығармалары 4-ші том: Қаныш жолы: Өлеңдер, поэмалар, реквиемдер және толғаулар

Қазақтың көрнекті ақыны, Қазақстанның еңбек сіңірген қайраткері Кәкімбек Салықовтың көп томдық шығармалар жинағының төртінші томы болып табылатын «Қаныш жолы» атты бұл кітапқа негізінен қазақтың ұлы ғалымы, Лениндік және Мемлекеттік сыйлықтардың иегері, академик Қ.И. Сәтбаевқа арналған өлеңдері мен поэмалары топтастырылған.
Ақын әйгілі ғалымның өмірі мен еңбектерін зерттеп, талай шығармаларын ел қолына жеткізсе, бұл жолы өлеңдері мен поэмалары Қаныштың өскен ортасын, өнеге алған ұстаздарын, қатар өскен қанаттастарын сипаттап, шәкірттерімен сырласа білген. Қаныштың ата-анасы мен бүкіл әулетін қамтып, ел перзентінің өз бейнесін толық қамту жолында бұрын-соңды айтылмаған ақтаңдақтарды да реті ашқан.
Қызығылықты өлеңдер мен поэмалар әлемге аты шыққан ғұлама ғалымның сан қилы дарындылығын жатық тілмен айқын суреттеген. Келелі ой мен келісті поэзия өз мақсатын әбден орындап тұр. Оқушы қауымның жүрегінен бұл жинақ жылы орын аларыңа еш күмән келтірмейміз.