«Жаңа түскен кітаптарға шолу»

2022 жылдың 17 тамызы күні Сәбит Мұқанов атындағы Солтүстік Қазақстан облыстық әмбебап ғылыми кітапханасында тікелей эфирде «Жаңа түскен кітаптарға шолу» жасалды.
Шолуды кітапханашы Дамира Серікбаева жасады.
Осы жолы шолуда жерлес жазушыларымыздың кітаптарына көп орын берілді. Атап айтсақ, Қазақтың халық жазушысы, драматург, сыншы, мемлекет және қоғам қайраткері, қазақ әдебиетінің классигі, жерлесіміз Ғабит Мүсіреповтың қайта басылып шыққан «Ұлпан» атты кітабы, қазақтың көрнекті жазушысы, қазақ әдебиетінің сыншысы, халық жазушысы, Қызылжар (Петропавл) қаласының құрметті азаматы, жерлесіміз Сафуан Шаймерденовтың қайта басылып шыққан «Ағалардың алақаны» атты кітабы, қазақ, орыс, түрік және ағылшын тілдерінде басылып шыққан «Біздің Мағжан» атты безендірілген мерейтойлық жинақ, жерлесміз, экономика ғылымының докторы, профессор, Ғылым және білім саласындағы ҚР әл-Фараби атындағы Мемлекеттік сыйлықтың және Ш.Уәлиханов атындағы Қоғамдық ғылымдар сыйлығының иегері, ҚР ғылым мен техника саласының қайреткері Аманжол Қошановтың «Халық перзенті» атты мақалалар мен естеліктер жинағы және басқа да көптеген авторлардың кітаптары таныстырылды.
#СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги #ЖаңаТүскенКітаптарғаШолу