Шаталов Владимир Александрович

ШАТАЛОВ Владимир Александрович (8.12.1927. Петропавл қ.) – КСРО ұшқыш-ғарышкері. Әуе күштерінің ген.-лейтенанты (1975). екі мәрте Кеңес Одағының Батыры. Тех. ғыл. канд. КСРО Мемл. сыйлығының лауреаты (1981). Качинск Әкери әуе күштері уч-щесін бітірген (1949). 1969 ж. қаңтар айында “Союз-4” әуе кемесімен алғаш ғарышқа ұшқан. Сол жылдың қазан айында үш әуе кемесі қатар ұшырылған топтық ұшу кезінде “Союз-8” әуе кемесінің командирі болған. Үшінші рет әуеге 1971 ж. сәуір айында “Союз-10” әуе кемесімен және “Салют” орбиталық ст-мен ұшып барған. 1991 жылдың қыркүйек айына дейін Ұшқыш-ғарышкерлер даярлайтын орталықтың бастығы болды. 3 мәрте Ленин. т.б. ордендермен. КСРО және шет елдердің медалдерімен марапатталған. СРВ Еңбек Ері. Петропавл қ-ның құрметті азаматы. Ш. есімі көшеге, обл. орт-дағы орта мектепке берілген. Петропавл қ-ндағы Мәдениет және демалыс паркінде батырға арнап бюст қойылған (қ. Аэро-клуб).