Рузаев Иван Петрович

РУЗАЕВ Иван Петрович (1897, Солт. Қазақстан обл. қазіргі Ғ.Мүсірепов ауд. Федоров с. – 9.5.1919. Ғ.Мүсірепов ауд. Рузаев с.) — белгілі революционер. Қазанның алғашқы күндері Омбы большевиктеріне қосылады, Кеңес өкіметін орнатуға белсене атсалысқан. Р. ауылдастарының және Иванников с. тұрғындарының тұрмыс жағдайын жақсарту мақсатында жергілікті кулактар саудасының беделін түсіріп, олардың саудасын тоқтатқан тұтынушылар кооперативін ұйымдастырады. Колчакшылардың үстемдігі кезінде кулактардың айтуымен Р. бірнеше жолдастарымен бірге ұсталып, 1919 ж. 9 мамырда атылады. Ақ гвардияшылар талқандалғаннан кейін Федоров с-сы Рузаев с. деп аталып, Р-қа ескерткіш қойылған.

Д. Сәлиханова