Рахымжанов Төлеген Шаймерденұлы

РАХЫМЖАНОВ Төлеген Шаймерденұлы (30.8.1948, Солт. Қазақстан обл. Петропавл қ.) – милиция ген.-майоры. Алматы милиция мектебін (1973). КСРО ІІхМ Қарағанды Жоғары мектебін (1984). КСРО ІІМ Академиясын (1989) бітірген. 1970 ж. қаңтарда Кеңес Армиясы қатарынан босатылған соң Краснойармейский ауд. комсомол к-тінің жолдамасымен Қостанай ст-ның милиция бөліміне жіберілген. 1973 ж. желтоқсанда Тайынша ст-ның қылмысты іздестіру бөлімінің инспекторы, кейін Көкшетау обл. Щучинск АІІБ бастығының орынбасары. 1984 ж. Қарағанды-Сортировочная ст-ның ІІБ бастығының орынбасары, бастығы. 1990 ж. Торғай обл. ІІБ кадрлар бойынша бастығының орынбасары. 1995 ж. Қарағанды обл. ІІБ бастығының орынбасары, 1997 ж. Батыс Қазақстан обл. ІІБ-ні, 2001 ж. Атырау обл. ІІБ-нің. 2002 ж. Солт. Қазақстан обл. ІІБ-нің бастығы болды. 2003 жылдан құрметті зейнеткерлік демалыста. Есімі жазылған қарумен және “ҚР ІІМ еңбек сіңірген қызметкері” төс белгісімен марапатталған.