Мусипов Қажым

МУСИПОВ Қажым (1912, қазіргі Ш.Уәлиханов ауд. — 1982, сонда) — Социалистік Еңбек Ері (1957). 2-дүниежүз. соғысқа қатысқан. Еңбек жолын есепші болып бастап, кейіннен ауылдық Кеңестің, комсомол к-тінің, ауд. жер бөлімінің бастығы болды. 1945 ж. Кеңес армиясы қатарынан босаған соң, туған ауданында басшылық қызметтерде болып, “Ұялы” ұжымшарының төрағасы (1954), 1957 жылдан “Чапаевский” кеңшарының директоры, соңғы жылдары К.Маркс атынд. кеңшардың бас зоотехнигі қызметін атқарған.