2022 жылдың 28 қыркүйегі күні Сәбит Мұқанов атындағы Солтүстік Қазақстан облыстық әмбебап ғылыми кітапханасында қазақ әдебиетінің классигі, теңдесі жоқ суреткер жазушы, драматург, ғұлама ғалым – әдебиет зерттеуші, ұлағатты ұстаз, ірі қоғам қайраткері Мұхтар Әуезовтің туғанына 125 толуына арналған «Мұхтар Әуезовтің мұрасы» атты әдеби кеш өтті.Шараға М.Қозыбаев атындағы Солтүстік Қазақстан университетінің студенттері, Қазақстан Республикасы Ұлттық ұлан Академиясының курсанттары, кітапхана оқырмандары қатысты.
Кешті С.Мұқанов атындағы ОӘҒК-ның кітапханашысы Дамира Серікбаева жүргізді. Алғашқы болып сөз сөйлеген М.Қозыбаев атындағы СҚУ жанындағы Тіл және әдебиет институтының Қазақ тілі мен әдебиеті кафедрасының аға оқытушысы, ғылым магистрі Көкбас Жазира Мұхтар Әуезовтің көптеген жылдар бойы Абай өмірі мен шығармашылығын терең
зерттеп, ақын туралы көлемді зерттеу еңбектер жазғанын айта келіп, жазушы шығармашылығындағы Абай тақырыбына баса мән берді. ҚР Ұлттық ұлан Академиясының тілдік дайындық кафедрасының басшысы Ақмарал Сәркенқызы «Мұхтар Әуезов тағылымы» тақырыбында, аға оқытушы Венера Уалиясқызы «Ұлыдан ұлағат» тақырыбында мазмұнды да мағыналы баяндама жасады. №7 орта мектептің қазақ тілі мен әдебиеті пәнінің мұғалімі Құралай Ғазизқызы М.Әуезов шығармашылығына жан-жақты шолу жасады.Кешімізге ҚР Ұлттық ұлан Академиясының курсанттары белсене қатысты. М.Әуезовтің «Қарагөз» пьесасынан Сырымның монологін курсант Ибраев Мерей оқыса, Қадыр Мырзалиевтің «Мұхтарға арнау» өлеңін курсант Керімбек Жанғали мәнерлеп, жатқа оқып берді.
Шара барысында видеоролик көрсетілді. Қатысушылар «Заңғар жазушы» атты кітап көрмесін тамашалады.
#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #ПрямыеЭфиры #Чтение #Книги #МұхтарӘуезовтіңМұрасы
