Долинка кентіндегі Саяси қуғын-сүргін құрбандарын есте сақтау музейіне онлайн экскурсия

30 мамыр күні С.Мұқанов атындағы облыстық әмбебап ғылыми кітапхана ZOOM арқылы Қарағанды облысының Долинка кентіндегі Саяси қуғын-сүргін құрбандарын есте сақтау музейіне онлайн экскурсия жасады. Іс-шара Саяси қуғын-сүргін және ашаршылық құрбандарын еске алу күніне орай ұйымдастырылды. Экскурсияға М.Жұмабаев атындағы Жоғары колледждің студенттері шақырылды. Музей қызметкері Айзере Хасенқызы музейдің экспозициялық залдары бойынша музей қорындағы құнды экспонаттар мен музей тарихынан толық мәліметтер көрсетіп, кеңінен мағлұмат берді.