Диркс Мартын Мартынович

ДИРКС Мартын Мартынович (1928, Солт. Қазақстан обл. қазіргі Қызылжар ауд. Березев а. — 1995, Германия) — Соц. Еңбек Ері (1971). Ақмола ауыл ш. ин-тын бітірген (1968). Еңбек жолын 1944 ж. тракторшы болып бастап, “Новая жизнь” ұжымшарының трактор-егіс бригадасының бригадирі болған. 1955—61 ж. Петропавл ауд. Киров атынд. ұжымшардың директоры, бірнеше жылдар бойы “Токушы” кеңшарының басшысы, ал 1977 жылдан “Петропавлоблгаз” тресінің бастығы қызметтерін атқарған. Ленин орденімен марапатталған.