Ол өз өмірінің 43 жылын мәртебелі де мерейлі мұғалімдік қызметке арнап, бастауыш сыныпта жас бүлдіршіндерге сапалы білім мен өнегелі тәрбие беріп, талай шәкірттерін қанат қақтырып ұшырған қадірлі жан. Кеңес Одағы кезінде 1978 жылы «Социалистік жарыстың жеңімпазы» медалімен марапатталса, 2003 жылы «Жыл ұстазы - 2003» байқауының жеңімпазы, 15 жылдай жұмыс істеген Сафуан Шаймерденов атындағы қалалық классикалық гимназияның Құрмет кітабына енген. Ғалия Өмірбековамен кездесу сұрақ-жауап түрінде өткізілді. Ұстаз мамандығын таңдау себебі, еңбек жолы, қазақ тілін дамытуға қосқан үлесі, қазіргі кезде зейнеткерлікке шыққаннан кейін балаларды жеке оқытумен айналысып жатқаны туралы, 2020 жылы Нұр-Сұлтан қаласындағы баспадан басылып шыққан «Ұстаз бақыты» кітабының мазмұнына қысқаша тоқталып өтіп, оны Сәбит Мұқанов атындағы облыстық кітапхананың сайтына кіріп онлайн арқылы оқуларыңызға болады,- деді.