ӘЛІБЕКОВ Есет Қалиұлы (15.5.1925. СҚО қазіргі Ғ. Мүсірепов ауд. Мұқыр а. - 2005) — ген.-лейтенант (1978). Фрунзе (қазіргі Бішкек) қ-ндағы Жаяу әскерлер уч-щесін (1944), КСРО Ішкі істер мин-нің әскери ин-тын (1954). ал 1963 ж. ҚазМУ-ды (қазіргі Әл-Фараби атынд. Қазақ ұлттық ун-тін) бітірген. 1943—56 ж. Кеңес Армиясы қатарында, 1956 жылдан Қазақстанның азаматтық қорғаныс жүйесінде қызмет етеді. Ә. еліміздің әскери құрылыс, азаматтық қорғаныс мәселелері бойынша көп еңбек етіп, олардың дамуына зор үлесін қосқан. Оның "Азаматтық қорғаныс — халық ісі". Азаматтық қорғаныс терминдерінің орысша-қазақша түсіндірме сөздігі" (1979, 1988) атты еңбектері жарық көрген. Ә. Еңбек Қызыл Ту орденімен марапатталған.

С. Қалуов