КАРУШИН Александр Феодорович (7.8.1923, Петропавл қ. — 1993, Мәскеу) — авиация ген.-майоры. Кеңес Одағының Батыры (1944). Троицк әскери авиац. ұшқыштар мектебін (1941) және Әскери әуе академиясын (1951) бітірген. 1941 жылдан Қызыл Армия қатарында. 1943 жылдың наурыз айынан Ұлы Отан соғысы шебінде болып, ұрыстарға қатысқан. Соғыстан кейін Әскери Қарулы күштерінде әскери қызметін жалғастырған. Ленин, 2 мәрте Қызыл Ту, Александр Невский, Отан соғысы. "Қызыл Жұлдыз" ордендерімен, медалдермен марапатталған.