ФОМИЧЕВ Петр Дмитриевич (28.6.1923, қазіргі Есіл ауд. Петров с.) - еңбек және соғыс ардагері. 2-дүниежүз. соғысқа қатысқан. Семей қ-нда орналасқан Тамбов жаяу әскерлер уч-щесін, КОКП ОК жанындағы жоғары партия мектебін (1954) бітірген. 1942 ж. Қызыл армия қатарына шақырылып, 1943 ж. әрекет етуші армияда автоматшылар ротасына командирі болған. 1944 ж. әскерден босатылған. Ұжымшарда жұмыс істеген, кейіннен аупарткомда нұсқаушы, бөлім меңгерушісі, кеңшар партия к-тінің хатшысы. 1957-63 ж. Полудин және Темирязев ауд. партия к-ттерінің 2-, 1-хатшысы. 1970-76 ж. Солт. Қазақстан обл. кәсіподақтар кеңесінің төрағасы қызметтерін атқарған. 1976-80 ж. Петропавл қ-лык халықтық бақылау к-тінің төрағасы қызметтерін атқарған. Ленин, 2-дәрежелі "Достық", 1-дәрежелі Отан соғысы. Қызыл Жұлдыз, екі мәрте "Құрмет Белгісі" ордендерімен, 12 медалмен. Жоғ. Кеңестің және ВЦСПС-тың Құрмет грамоталарымен марапатталған.