Биыл «Бір ел – бір кітап» республикалық акциясының аясында белгілі балалар жазушысы Бердібек Соқпақбаевтың шығармашылығы таңдалды.

Бердібек Соқпақбаев – қазақ прозасына ерекше леп әкелген қаламгер. Жазушы қаламынан шыққан кез келген туынды оқырманды баурап алады. Биыл жазушының туғанына 100 жыл толады. Жазушы 1924 жылы 15 қазанда Алматы облысының Нарынқол ауылында туған.

Эфир қонағы журналист, ақын, Қазақстан Жазушылар одағының мүшесі Күлайхан Рахмет Б.Соқпақбаевтың шығармашылығына, жазушылық ерекшелігіне, шолу жасады. Көпке белгілі «Менің атым – Қожа», «Балалық шаққа саяхат» шығармаларына, кейіпкерлеріне тоқталды.