Балаларды қорғау күнінің арналған

«Жерде бір бала қуанса, көкте мың періште шаттанады»  деген халқымызда сөз бар. С.Шаймерденов атындағы қалалық классикалық гимназияның бастауыш сынып оқушылары үшін жазғы каникулдың алғашқы күні көңілді басталды. Бүгін аталмыш мектептің оқушыларын С.Мұқанов атындағы облыстық әмбебап ғылыми кітапхана құшақ жая қарсы алды. Балаларды қорғау күнінің қарсаңында кітапхана оқушыларға мерекелік көңіл күй сыйлады. Алдымен оқушылар кітапхананың «Makerspace» алаңында болды. Клуб жетекшісі Темірлан Айтмағамбетов балаларды Makerspace аймағының алуан түрлі ресурстарымен, клубтың жұмыс тәртібімен, жазылу шарттарымен таныстырды. Балалар лего конструкторларын, 3D принтерді, осы принтерде басып шығарылған түрлі мүсіндерді тамашалады. Тәлімгер балаларға билейтін роботты көрсетіп, оны басқарып көруге мүмкіндік берді. Одан кейін балалар таза ауаға шығып, кітапхананың алдындағы С.Мұқанов ескерткішінің жанында арнайы шақырылған Робот аниматорлардың қатысуымен ойын-сауық бағдарламасы ұйымдастырылды. Балалар аниматорлармен ойын ойнап, би биледі, түрлі конкурстарға қатысты. Іс-шараның соңында ұйымдастырушылар балаларды оқу жылының аяқталуымен құттықтап, жазғы демалыстарын жақсы өткізулерін тіледі. Оқушылар да кітапханаға ризашылықтарын білдіріп, аниматорлармен естелікке суретке түсіп, ерекше көңіл-күймен, шат-шадыман қуанышпен қоштасты.

#БиблиотекаимСМуканова #ЛучшаяБиблиотекаРК #СамыйЧитающийРегионСКО #Коворкинг #ПарасатЖолы #Мейкерспейс #Мероприятия #Информация #Чтение #Книги