2022 жылдың 28 қаңтары күні Сәбит Мұқанов атындағы Солтүстік Қазақстан облыстық әмбебап ғылыми кітапханасында Қазақстан Республикасының Халық қаһарманы, КСРО және Қазақ КСР-нің халық әртісі Роза Бағланованың туғанына 100 жыл толуына арналған «Қазақтың күміс көмей әншісі» атты музыкалық кеш өтті.Шараға М.Жұмабаев атындағы жоғары колледждің студенттері, кітапхана оқырмандары қатысты.
Шараны С.Мұқанов атындағы ОӘҒК-ның қазақ тіліндегі әдебиет бөлімінің басшысы Майра Әшімова жүргізді.
Белгілі күйші-домбырашы, ардагер ұстаз Серікбай Құсайынов күміс көмей, жезтаңдай әнші Роза Бағланованының еліміздің мәдениеті мен өнерін дамытуға қосқан зор үлесіне, оның қазақтың халық әндерінен бастап, қазіргі композиторлардың 
шығармаларын, әлем халықтарының әндерін орындағанын айта келіп, өзі Роза Бағланованы алғаш рет 1954 жылы 10-сыныпта оқып жүргенде ауданына гастрольдік сапармен келіп, концерт қойғанда көргені туралы өте әсерлі баяндады. Бұл кездесу мені музыка әлеміне жетелеп, өнер өлкесіне қанат қағуыма себепші болды,- деді.Ардагер ұстаз Қарақат Шалабаев Роза Бағланованың патриот, батыр әнші екенін айта келіп, оның репертуарындағы әндерге, орындау ерекшелігіне, шеберлігіне, ерекше дикциясына тоқталды.
Шараға қатысқандар Роза Бағланованың орындауында «Әдемі-ау», «Ах, Самара — городок», «Ақмаңдайлым», «Іңкәрім-ай», «Сәулем-ай» т.б.әндерді тындады (видео). «Қазақтың бұлбұлы» атты кітап көрмесін тамашалады.#БиблиотекаимСМуканова #ЛучшаяБиблиотекаРК #СамыйЧитающийРегионСКО#Коворкинг #ПарасатЖолы #Мейкерспейс #Мероприятия #Информация #Чтение#Книги #ҚазақтыңКүмісКөмейӘншісі
