2024 жылдың 13 қыркүйегі күні Сәбит Мұқанов атындағы Солтүстік Қазақстан облыстық әмбебап ғылыми кітапханасында тікелей эфирде «Жаңа түскен кітаптарға шолу» жасалды. (Ссылка на видео)Шолуды осы кітапхананың бөлім басшысы Майра Әшімова жасады. Осы жолы шолуда ХІХ ғасырдың екінші жартысында отаршылдық билік құрылымында қызмет істей жүріп қазақ халқының мүддесін қажырлы қорғаумен көзге түскен Ахмет Кенесариннің соңғы ханымыз Кенесары Қасымұлы мен оның ұлы Сыдық сұлтанның өмірі туралы баяндалатын «Насаб наме сұлтан Сыдық» деп аталатын кітабы, белгілі ғалым, қоғам және мемлекет қайраткері, ҚР Мемлекеттік сыйлығының иегері, э.ғ.д., профессор, академик Оразалы Сәбденнің «Өркениеттің жаңа дәуірі» атты кітабы, көрнекті жазушы Мәди Айымбетовтың «Бопай ханым», Зейнеп Ахметованың «Күретамыр», Бройнинг Лоретта Грацианоның «Бақыт гормондары», Морган Хаузелдің «Ақша психологиясы», жерлесіміз, белгілі жазушы Зейнел-Ғаби Иманбаевтың «Ортақкөл әңгімелері», жерлесіміз, ақын, журналист, аудармашы Зейнолла Әкімжановтың «Замана шам-шырағы» атты кітаптары таныстырылды.
